改名與五行

根據MR MAN 2009年既統計. 好多人生BB,因為改名次數大升幾倍! 2009年尤其後半年,真係睇辭典多過睇雜誌!

台灣依期又新興一種9宮改名法,將名字數理配飛星黎玩.點解依家會興?因為筆劃數改名法已out,太多人"識","識"到好多家庭自己走去買本書就去改名,得唔得呢? 得(心理上而言)

事實上,改名涉及八字五行之判斷,筆劃數其實好次要,於我而言,我會直接告訴客戶其實筆劃數之理論有問題,因為一個字最重要係佢既本身五行,即木字屬木,而唔係筆劃數中4劃所屬的火,水竟然唔係屬水,而係屬木!(筆劃數以一個字劃數總和尾數計算,12屬木34屬火56屬土78屬金90屬水,係死數黎) 我作為讀過下書既人就會質疑,文字由古至今不斷演變,筆劃亦會隨時代而改變,那一個字的五行從唐朝至今已有所增刪或變異,甚至書法之不同也有所增減,那這個字豈不是本質五行不斷變化嗎??

因此,筆劃之說只係一個形式(form)俾人容易去跟,但實效是存疑的. 但我改名要唔要考慮筆劃?我一樣會做,因為太多客戶受媒體市場所影響,認為筆劃數凶的話心理上不好過,所以最後還是要改一組從意義,筆劃數,到讀音,字義五行,字與字五行排序,字形以至卦理皆為吉數之名字.改一個客戶十幾個名常常便用上一星期研究,配合出來是否有詩意,又能否與客戶要求配合,還要考慮用此名字人數的多少,太多人用的名字也欠了獨特性.再進一步就是名字之外觀美感,字與字之間能否產生具詩意及正面的人生意義, 甚至預示BB未來的光明前景,名字結合起來可以講一個故事俾人知就更加好.名既典故,當中包含可與家族相關既故仔.第日都有得解下人知.

我就見過很多新手拿起台灣姓名學書本便即時師傅上身充當姓名學專家,改好一個名字後解說得似模似樣以為是大師風範,結果一看便知錯漏百出, 不找辭典辭源看就用上一些意像不好的字, 而自己卻將個人的理解大sell特sell此字眼, 結果是"累街坊"! 大家可有想過為何姓名學是由台灣傳回香港嗎?你去看改名書一欄.絕多數也是台灣書本,為甚麼呢?其一而我又認同的講法是當年日本來唐朝取經作文化交流,官員將次等甚至虛法送往日本好讓其得不到正確的理論程式,結果筆劃數之說一直在日本流存,及至台灣成為日本殖民地,筆劃之說扎根台灣,竟然成了姓名學的"正純理論"!!!世事真神奇!!!現在大家所看到的姓名學書本,如果真的那麼易來根據五行改名,就人人都可以去三中商買3本書回來大跟特跟改好名了!

另外.Mr Man更統計出一樣野, 就係所有改名客戶都係在remark中提出類似內容:想佢個B仔B女第日開開心心生活,活得自在,可以自己堅毅咁解決問題,健康快樂.做一個正直既人. 你睇佢地幾有修養, 好多時我一睇依類remark真係好感動,亦預示左此b仔b女有個格調高尚的家庭,有時候開八字一看,沒有擇時辰開刀的竟然7歲起順運60年,天干地支皆配合出全吉數!(好多時總之天干不利或一兩隻地支帶凶數) 而且係幾個唔同客戶都係咁, 又一次印證良好的家庭素質及教育,是孩童成功的最重要關鍵.

真係物以類聚架,我只會聚到有修養既改名客戶同長期讀者,好開心呢!

風水之意義

佛家講求"四大皆空", 那四大? 是我向朋友常問的問題. 有的戲言答粥粉麵飯, 有的答眼耳口鼻, 有的答.....其實答乜都得, 因為重點在於"空", 當然model answer係指"地水火風"四元素, 這很有趣, 與歐洲古時相信宇宙係由"土水火風"組成極為相近.
四大皆空意思簡單而言即一切皆空. 當人進入了此境界, 已了無牽掛, 亦無須為得失而自製痛苦.

基於以上簡單的解說,我會問你"佛教駛唔駛睇風水呢?"
答案好明顯, "唔駛" 因為你係通過各種的領悟去達到空的層次, "世俗風水"追求的名利財氣根本就同佛教教義相背馳.
但點解我無端端寫篇咁既野呢? 原因係我見到依家既風水發展已真係"集萬家於一身",即係乜都有d. 見d師傅係咁講佛經,但又同時講追求名利既風水,其實真係好攪笑.

今日睇都市閒情本來我覺得都正常既師傅, 竟然講open kitchen唔好既主因係依度殺豬牛羊魚蝦蟹時會釋出怨氣飄出去影響宅主健康, 依d明顯係宗教理論. 而且重點係, open kitchen變 closed kitchen係唔係就唔會有怨氣呢? 根本唔係. 因為佛教就講明不殺生, 你關埋廚房變密室咁d怨氣咪聚晒係度? 一樣死! 食素啦咁.
open kitchen唯一唔好既係通風做得唔好既話, 會將油煙污染物留晒係屋內, 即係氣流及空氣質素, 所以open kitchen第一件"風水法器"唔係咩水晶球,銅尺,黑曜石.... 而係勁力西門子/富士皇抽油煙機加對流窗令室內通風!

風水講的是藏風聚氣,本身並不牽涉及宗教成份,不會叫你拜神燒香,亦唔會殺雞做法事, 也不會與宗教對立. 但咁多年發展下來, 唔同人自己加入左好多唔同既野入去. 例如道教加入左佢地自己既道術. 但加還加. 唔好攪到亂晒. 又將宗教教義放入去風水之中. 然後marketing自己一番提升身價.仲有好多講話用酸鹼度及磁場等科學方法搵靈體,但做既過程根本就錯漏百出笑死人. 唉...

更有趣既事係, 近日有朋友問我點樣可以學風水, 原因係見到有風水師可搵幾十億, 但依位朋友本身係唔信風水既, 咁先恐怖! 講到明唔信但一話搵錢就話要學, 仲問點樣可以呃到人. 死唔死??!! 有時睇下行家. 雖然話係不問出身, 但極多裝修工人, 的士司機 乜野行業都有. 就係欠左本來由讀書人出任司天監/欽天監(天文官)既讀書人. 其實最重要係師傅除左識風水外, 仲要係有修養及德行. 依兩樣都冇既話,做乜都死.

其實, 風水只會在用色, 數字, 物質, 方位, 座向, 選址上作出深入的考量, 根據每個人的體質在特定的空間及時間作出設計, 以達至平衡的良好結果. 係一種中國人的自然觀/宇宙觀.

名正言順為香港求籤

我係blog度講左二十萬次.(誇張) 為香港去卜卦既. 只會係大官或香港代表.

今日睇紅果日報對鄉議局主席大插特插. 話佢唔係民選代表, 唔係政府官員....所以名不正言不順. 我想講.前兩日先見依份報紙無端端幫香港民主/香港前途求籤,相比起劉生,依份報紙既正統身份肯定更加無厘頭或更應俾人質疑啦!

首先,我對紅果日報無偏見,我只係想用理論去講出占卦原則,大家好少見主流師傅(除左一兩個)用卜卦去為香港占前程. 點解? 正正係報紙要帶出既名正言順問題. 我又唔係香港代表,又唔係主要官員,本身唔具備同個天連線既身份.此為名不正!所以, 我一見有師傅話自己可以誠心為香港卜前程. 我就會恥笑佢. 普通一個冇乜讀過書既師傅. 口出狂言要代表香港人卜前程, 扮野及自大程度令人側目!平民師傅代香港卜卦之後目的係出書賣錢但話要打救有緣人. 我笑了.大家知乜事. 有時做人真係要critical一ddd.

講番劉皇發,其實理論上佢真係名正言順,追番history,以前由民政事務局局長負責,自從何志平出奇地準確求左下簽後,依隻鑊就由官府將"占卜權"交左俾鄉議局主席,大家知唔知咩叫真正香港人?我同好多讀者一樣都係祖父輩一係走難一係海外華僑黎到香港發展.真正果班香港人就係依家新界區既原居民,而鄉議局主席就係由各新界原居民組織推選出黎既大代表.血統上肯定係最為純種既香港代表啦!唔計依樣,又係政府授權佢去代表占卜.唔駛講點都好過報紙記者同扮野師傅啦. 所以,我唔明點解成班三流評論員會話劉皇發代表唔到香港!!

至於簽文,都唔駛太驚.因為上年咁既環境都求左支上簽,可想而知有時都唔可以作準.但任總講到有第二波海嘯黎緊,有晒準備,做晒防災措施,仲要唔似上年十月兵荒馬亂到世界末日咁款(以為間間廠公司都執).依舊策略,分段吸盈富a50.中移,中人壽,5仔都可一買.但長渣記住係指兩年或以上而唔係財演講既3至4個月.

投注站風水實踐玄結篇

寫完投注站風水秘笈一文也有數月, 兩星期前按入自己的blog時, 竟然連續按錯兩次都click進此篇文章之內, 於是便因此巧合而作出嘗試, 一再印證玄學就是那麼玄.

二星期前, 看過文章後, 心血來潮想單單以文章方法作測試, 因為太耐冇再走進投注站, 竟然連MR MAN師傅自己都差點左右不分, 在門外定一定神,從右門進入, 選窗口number, 但排長龍,好長果隻. 照等, 行到去發現不是駝衰家櫃位員工, 照買$20電腦飛, 排得隊來買完後走時竟然自己忘記左搵左門出,反而用番原門走人. 堅傻. 不用多說. 賭注泡湯.

一星期前, 因心有不甘之前的糊里糊塗, 於是又黎多次.(死唔死!自己去到反而頭暈!不過氣色尚可), 照舊選門而入,選櫃位,再選櫃員. 今次買了 $35的7個字及$20電腦, 結果.算是少少少橫財可得. 每張都中3個字.共取回$100大元,算是升值80%．

今個星期, 又是心血來潮, 又再用相同法則 , 留意. 已沒有計算奇門方向,用神時等複雜資料. 選了窗口. 又買$35的7個字票, 員工還加一句"祝你嬴多d", 結果是玄之又玄的結果. 已有多年沒有看到攪珠節目,因主打cable同tvb. 點知想按cable的12台,結果按了settopbox的12即亞視,又剛巧有攪珠節目,便懷舊一番睇著結果. 2, 32 首兩皆中, 已有很強預感會中第3個取回80大元,結果竟然給了我3個半字. 據朋友講會收到 $480,即10倍有多的回報. 算是very lucky, 但請緊記, 我的方法只供參考, 亦是氣運皆配合先玩一玩, 也可說是意外的推動.否則根本不會走進投注站.

總結. 心內已滿足,見好即收,多行善事,心中更富有.

留下相片一張存證, 上兩張則已收派彩,無法留證.唯有講個信字. 不過.精神分裂也要說一句,

"讀者們!十賭十騙呀!"

美女補習天王, 美女風水師, 美女....

愈來愈多以美字為頭的專業人士出現.
當然,樣靚是有吸引力的. 但似乎賣樣多過賣才學就有點兒那個.
偶然睇網上雜誌, 看到又一美女風水師, 在網誌內放了一幅風水圖則, 以 "名家風水批圖"作題, 用的方法竟是"驚天地泣鬼神"的九宮飛星. 睇完後原來又係一場笑話.
MR MAN很老實,因為不會眼紅同行而講野, 原因係我講又唔係多人睇, 所以講黎都係冇用. 亦唔會係依個area精神自瀆平衡心理. 所以只係做個remark.
大家可看看近期又再熱播既補習天王長腿美女天后youtube, 睇完得啖笑, 英文的accent, pronunciation及用字連教果個都有問題. 發音咬字都唔準仲教人. 又一次印證原來外表勝過一切.
其實,用初學者都識既飛星冇問題,問題係夠膽放幅飛星風水圖出黎話依d就係名家批圖, 又再引用重案組黃sir果句, "依個世界唔應該係咁!".

家居風水提示

窗台床禁忌一文早前寫成後,收到不少讀者詢問意見.

老實說, 在未來半年如此經濟情況下, 屋企賺得最多錢者, 或家中經濟支柱, 還是不要睡進窗台部份為妙.

原因已一再帶出, 沒有整體的基座, 如置身崖壁之上,形家之派視為不穩及失去支持的意像, 在失業大軍中尤其易見. 特別是置於7赤破軍(家中西南方)及5黃(正南方)之床, 更易中招.

本想推出那個結界陣的服務, 但因年尾事忙,連找具正能量的五行物品也沒時間. 大家請耐心等待一些時間. 連風水電話號碼也沒有再找到, 找過數次也發現"完全沒有"靚number. 一切皆是命.

有問題的朋友,暫時多聽鄭國江老師所作之詞 "阿信的故事" 作心理勉勵吧. 但按五行之局, 下半年仍有水像, 現在已跌得四腳朝天, 若果經濟是會令人不理性亢奮, 同時也是會令人不理性悲觀, 那也沒有再有甚麼好怕了.

大門直沖大窗的風水化解法

睇樓盤傳真, 見好多設計師或住戶都自制屏風去化解大門見窗所謂漏財風水之局. 其實風水就冇講過大門見窗會漏財.但在氣流上,也可以說有直出直入的感覺,故可以講係形派風水的看法.

好老實.Mr Man間屋都係大門對窗. 但我冇加屏風. 點解呢? 因為我唔鐘意加舊野阻住我. 我係信晒依家果d 簡約主義風格及Less is more既設計. 咁點化解呢? 其實極簡單.

門的氣流由開門一刻走出所謂的大窗,其實有兩點位置是守財的五行風水位,用一幅floor plan俾大家參考.兩點守財位就係大窗既兩個最盡既角,只要係依兩點各放一盤植物,便會產生植物吸氣及將財氣聚於屋內的力量,邊類植物好?其實水/泥種都得.水種易打理我就最推介,另外亦可各放一個開蓋的木葫蘆吸氣, 當然, 以下圖為例. 講緊既係general concept唔係根據屋主八字而定出既風水局.

但如果你要設計新屋又唔想整個屏風既話.基本上只係俾百幾蚊就已可以攪掂依家最流行既漏財風水問題.

單睇上面幅最常見新起樓宇floor plan. 已有大把風水問題. 日後有時間再講.

看別人看風水有感

見到facebook內友人家中"有人"在睇風水的照片.只見女子拿起羅庚,然後劃出井字九宮飛星圖.原來真係拎起羅庚就係師傅!再仔細睇相.冇間尺冇量角器地屠手劃floor plan,用肉眼斷估房間大小,劃出一個不規則的平面圖,然後連飛星尺都冇就開始斷事講"瘋水".還記得數月前到一家廠商office看風水,為其擇日開張,我亦將結合了飛星,24山,玄空卦及奇門的3張風水圖則給予對方存檔.一名公司員工便問"乜要劃咁多圖既,我用開個師傅黎到屋企就咁up架炸喎" 心中答案"咪係law,咪解釋左你點解係員工唔係老闆law!"

如果單憑一般的八宅及主流的飛星數就可完成風水.那可以肯定告訴你.到三聯或商務打一至兩日書釘,你便能成為風水大師判人生死,再到明星師傅處練習說話技巧便又成一代宗師.

如果你看過家居/office風水,看一看師傅的批圖,好歹也應該有一幅合比例的floor plan,起碼也有8卦的九宮飛星圖重叠於圖上,那些將要放上的風水物,每一類別也會擇日放上,而不是叫你買完就是但得閒放.這只是初級師傅的水平.如果少以上是但一樣.即係晒錢.

其他再高層次的,會給你大門拉卦線納旺氣進屋內,老闆房的書卓卦線測量,還會有八字風水,更會用上特定技法擇日及找尋吉門吉位吉角度,圖則上更會出現24分格,而不是8格.再進深一步還會出現木星及土星等符號.還有其他數理或64卦的運用等......

以上皆是術數中"數"的幾個層次,當然還有術的層次,各家各派更有不同道行力量.

投注站賭錢風水秘笈

首先,我唔鼓勵各位朋友賭博, 講機會率講數學十賭十騙冇死錯人, 所以只係小賭怡情好啦. 家父買波, 連有線或now都唔睇, 唔識邊個球星打邊個, 只係憑感覺一千幾百咁亂買, 計數上好攪笑, 但佢開心咪算數law.

點解賭波唔睇波? 因為佢係Liverpool既die hard fans, 佢仲停留係艾德烈治, 魯殊, 比士利, 班尼斯, 高巴拿果個年代, 佢覺得依隊波係無敵, 所以每次有利物浦既賽事, 佢就買win或入球數。 咁買法侯利亞做領隊果時輸錢十居其九, 依家算好番d。

其實今次唔可以話係咩風水秘術, 但出面師傅一定點都收你一千幾百甚至幾萬先講你知,好似好勁既野. 但我就講依一千幾百既部份, 另外果d講都唔會明.

投注前,唔該各位朋友睇睇自己個氣色,粉粉紅紅白白光光黃黃先好搏,唔係又係晒氣晒時間晒錢我仲晒埋口水.

講下到馬會投注要留意既小tips:
(如要引用請列出轉載自www.destinygarden.com 請尊重知識產權)
1. 選址:
a.投注站必先有兩度門出入
b.門外有斜路幫馬會漏財
c.建於地面的投注站

2. 投注時間
a.生於春夏選下午3時後投注,
b.生於秋冬下午3時前投注

3. 進入投注站方位
以你面對投注counter計算,選用你自己右方的門進入,投注完成後由另一度門離開。

4. 投注counter
先選用神號碼,
春夏出生選8、6、1尾數counter
秋冬出生選9、4、3尾數counter

5. 投注日
宜選多part-time員工的旺期
巡回行一次各個counter的服務員樣貌,
下亭細小及兩面頰尖削配大鼻加鼻孔外露 或
額色、面色及耳色灰暗 或
眼睛大而無神 或
你一睇就覺得佢樣衰無運行兼陀衰家就o岩架啦

我自己試過一次,亦係人生唯一一次既買波,之後冇再買. 算係有成績, 但講明自己個運係配合先發揮到終極function. 當年一場皇馬對愛斯賓奴, 我買皇馬比數5比2, 賠率係8定17倍(4年幾前真係唔記得), 投注$100, 皇馬上半場先嬴3比0, 下半場俾人追1球變3比1, 餘下15分鐘, 皇馬再入一粒變4比1,最後10分鐘愛斯賓奴又入一粒, 當時我呆左, 點知真係最後2分鐘朗拿度入多粒. 我即時彈起叫左出黎 “Yeah!!”

其他重點.要夾用神日時,又要命中偏財可用或行運,命中有依種capacity去裝到偏財先得(解釋左點解有人中幾次六合彩買馬唔駛睇都中,但有人研究幾百年都係輸錢多),否則只係十賭十輸,仲要用奇門選擇方向,還有其他複雜理論考慮,所以MR MAN十年都唔玩一次,買股票計數冇咁煩。

窗台床招惡運

近年睇家居風水,發覺極多家庭為了盡用室內僅餘的空間,而用上窗台床的香港獨有設計(睇完日本,台灣,新加坡既樓就知十成實用率係乜!) 不只是細細的書房建起仔仔囡囡的窗台床,有的連主人房也為了有一張queen 或king size bed也用上窗台床.

一生人有三分一時間會睡於床上的空間,所以風水上安床的日子,床頭方向是極重要的設計,對個人健康及運勢有很大影響,所以用多多錢去買張靚床褥我是大力支持的.
但窗台床，從風水的形家觀點而言,那有甚麼問題呢?

試想想一個窗台,那是一個"凌空無基座"(每個窗台下再無石屎或下層承托,即等同睡於崖壁之上)加"近距離橫樑壓頂陣式"(由於床身放於窗台,當人睡進去後將被窗天花近距離壓著,還有就是拉開窗簾後向外望時就是三四十樓高的空間,睡醒時看一看以為要掉下去似的,令人心神不定)的自製式煞局!

由於睡眠於無基座的空間,個人會感到生活及工作上將會愈來愈少依靠及貴人之助,亦會發展出只具外表卻欠基礎實力的運勢,常常感到自己在很多環境都是"危危乎!",以及事事遇到別人的制肘及約束；
健康方面亦會出現煩惱壓力大增,思想鑽牛角尖,頭痛骨痛或心血之疾；
睡進窗台空間的日主,感情上亦容易招至伴侶對你的不滿,甚至伴侶方面會更易出現外遇的情況

最好當然就是不要築起這個窗台床,這是最治本的方法,我建議大家如果家中有空間的話就應盡量避免. 而另一方法就是為睡床建立起穩定氣場及風水保護層的五行結界,將可改善情況,亦有助消除負性或阻隔陰性物質的侵擾,而且可以按不同情況加入催運的能量呢．

買錯樓？

明星師傅們"一致"認為, 買樓一定要買"丑山未向"座見山時西南方見水之樓宇, 原因係丑山未向的飛星格局是風水bb班初學者都理解的"到山到向"格局, 座星向星皆有8仔星飛臨,後有翠綠靚山而前有靚水.咁就為之正.

最明顯的是早年一吹再吹的深井樓,常常提到有名師傅大手買入單位.認為是風水屋.

可惜, 對比沙田,馬鞍山, 港島西,東,北...一大堆向東北,東,及非西南水的樓宇而言,西南見水的樓宇其實落後到冇朋友. 原因係一眾明星對一樣叫靈神,正神方向的錯誤理解.今時今日的明星師傅都係主要師承幾位風水師, 一些所著之書很多時都沒有提甚至是弄錯靈正神的解釋及方向應用. 上一代師傅教飛星教卦線應該冇問題,但靈正則錯漏百出.

外局佔風水其實50分,甚至更多, 而不是明星提倡的甚麼外巒頭30內局70,大家不妨用正常腦袋想想,買樓買地點買景觀為主, 你內籠整到靚靚但景觀及地理位置不佳,則賣價相比起有景靚地段而言只是下價樓. 外面有個大海加翠綠小島包圍,水流水口得宜,後有大靠山,點會只得30分咁少呢?!

有人會將深井的落後市況歸咎於割腳水，老實．依ｄ水點會攪到樓價差，紅磡，馬鞍山，港島大把割腳水，又唔見樓價插水！？主因其實係人錯佢又錯,錯完仲要大肆宣傳,media再申一腳加以支持,最後咪坐左係度,好彩土地供應不足,否則連升都未必有佢份呢.

已不約而同有幾位朋友告之,很多人喜歡買本60蚊既風水書就靠自己睇書既理解能力去選樓，
－書話open kitchen 會破財選女主人健康，所以就即時唔買果個單位！ (咁所有鬼佬應晒啦!我自己設計間屋時第一步正係拆櫥整open kitchen!因為依句野就怕既人超無知!)
－買新爐頭改地運 (早前已講過,唯一有用既係賣爐俾你果個)
.......etc.　

其實，只要巒頭靚，理氣好，再加自己命宮位冇座落於廁所或５黃病氣之位，咁就已經係風水好好既屋了．

風水秘技?

據聞有師傅話換左個爐頭間屋就會轉左做八運,真係好神奇既做法.神奇在朋友send來的各大forum如she.com或親子王國都有大量人相信而且"係唔係都買個爐轉左運先!"

首先,換爐頭係冇用轉唔到運唔在講.其次係大家唔明白轉運既功能,首先最重要係你間屋係幾運既樓,根據建築及室內裝修計算,(依個部份 行內已存在極大爭議,有風水家認為幢樓幾時起就係幾運樓成世冇得轉,亦有人認為單幢洋房即係house打開個天頂再整過晒或起過先改到運,以致主流方案是房內動土起地板換大門可改成新運樓,前三者大量動土也有所爭議其可變性,你走去買個爐頭就轉運,真係虧位promotor想得出.又或是為求方便亂吹轉運法,又或是又吹到自己係轉運宗師!世上怪事何其多!)

一般識風水既朋友,就會知道量度座向是要定出屋內的理氣格局,亦即主流常用的九宮飛星,如得出吉利既九宮飛星數如"到山到向"格局(即係8仔星飛到前後座向應當存在的位置),咁間屋就已經係正野.

但問題係你既飛星數要適用先得, 最重要知道究竟有冇須要轉運換地氣. 例如本來以7運樓飛出來的吉星係飛到你睡房同大門. 根本係正野唔駛改運. 點知一d人唔知頭唔知路就跟風"想"轉運,玩下手可能8運樓就變左5黃及2黑病星飛左去大門同睡房.好彩爐頭改唔到運jer.唔係就大件事.

午睡後的靈感雜文─風水、生活、走數及投資

風水、生活
今次要談談谷旺單一位置風水功能的作用，其實愈細的單位便愈須要用此方法，因為空間有限，行兩步已踏進九宮飛星的另一宮位，如何是好呢?那便要配合更精細的24山及門口卦線的應用，以至可以盡納吉旺之氣，可是，空間愈小，那位置與位置之間的交換影響也大增，即是你企於一個只有一雙腳範圍的圓型之內，那你便要選擇究竟要追求那種功能及當中的可行性，既無吉星飛臨，個人命源之位又掉進廁所孔內或坑渠之上(要留心,中國的茅廁就是建在屋外的,那是最正常不過的設計,既然現在入了屋就多一重複雜的設計及考量,古智慧有時真的比現代好呢!)，那就要專催谷健康而不能催財了。這正是現實中的選取，不可能甚麼也「臘晒番來」呢!

基本上家居相對上較適宜做平安風水，即以旺人丁、健康及感情安順為主，而office則全力催谷升職、進財之力，不過，有時候只有健康卻無財富又令人頹喪及心理失衡，office得財卻得不到愛情又未能滿足精神，因此，主流也是盡其空間所能谷盡能量，況且現代人物慾極強，其實是甚麼地方也想包羅萬有地谷旺所有功能，但我做過的風水客人，所有都是對我禮遇有加的朋友，總會聽我長篇大論地說平衡理論及當中的概念，也會理解格局上的限制，由此便已是身心平衡的起始點呢。

走數
今早10時要見客人，但就早上7時才完成批章，打坐兩小時便飛的至cwb，強作精神輕裝上路，愉快地傾談了2小時!(浪費了2/3 egg benedict，來世投胎要做雞蛋、番茄或onion了!回想真的已有數年冇吃過正式的早餐!)，完成工作後極速回家就寢，走時忘記俾早餐錢!!(如朋友見此文，師傅會還你們的，不是想吃霸皇餐!!不好意思!)

投資
再以五行理論解讀股市，下半年是香港大藍籌公司的起動時期(可參看7月2日文章)喜歡賭博的我,價值投資比重大大增加，我堅信未來香港旺足5年，我樂見長期持有本地藍籌公司或分散風險的投資基金。4 5 13 16 1038.....很多很多

聲明：本網誌並不構成任何投資買賣建議，讀者就閱讀後所作任何有關文中提及股份之買賣，一切後果，作者恕不負責。

應科院風水事件

就應用科技學院帳目審計委員會黃宜弘指出兩點
"1.應科院同風水好似係格格不入"
"2.依家睇左風水好似未見其利反見其害"

MR MAN有限度地同意第2點，因為佢講出左依次搵果位出名師傅睇完風水後既結果，由依單新聞出現開始，就知出左事，管理層要離職，成個機構俾人查同批評。原先做既基本格局肯定出現問題，風水事件前後一年左右，即使係個局變左，有流年剋星飛入正門或話事人的房間，也不應出現如此大問題，原因是一般在風水設計之時應已預計下年的5黃2黑等飛星位置的影響，預早為客戶設定後備方案，著對方於年尾要作出改動化解來年問題。如果單睇依次事件就定性風水係迷信加冇功能，但點解咁多幢著名的商業建築睇完風水，以致政經名人睇完都大旺特旺發上發就冇人歸功於風水功能呢?

至於第一點，我就不大認同，technology來自希臘字根 techne，即是技藝／技巧及工藝的意思，不是一定與電子及生產連上關係， Hong Kong Applied Science and Technology Research Institute Company Limited (ASTRI) 既然是研究 其實將風水這種環境設計技術應用於研究之中是不牴觸techology的原意的，尤其是強調其應用的層。

風水的8運發展建議

老子著道德經,著時並不是希望發展成為一個宗教,而是一套生活哲學,後來被不同弘揚者發展成養生哲學,更有其他分支的練丹、神通等外內功「技術」(technology),肉體及心靈(mind and body)的修練. 你會唔會走去話「道教」導人迷信?你會唔會批鬥老子導人迷信? 會既話,你可能要插埋其他宗教都導人迷信.

但係,最基本問題是:「何謂迷信?」(superstition),當中指的可以是盲目的,缺乏驗證、歷史事實、根據、理論/方法學,量化標準而又堅信某種意義、主張的生活行為。維基百科又指是一種盲目信奉「如你不這樣做...就會...」的無根據因果關係。命理學問的一些主流方法如風水,八字及紫微斗數早有基礎法則及奠基理論,但一般人或傳媒一聽到這些風水/八字的名字就即時標籤化為「迷信」(我諗叫一般人清晰講解咩係迷信時,都係話「唔科學」就叫迷信,再問落去咩叫科學,點先為之科學,有冇絕對客觀,點解中醫曾被認為唔科學,或於殖民史中將許多民間醫術列為迷信或巫術等分類,當中其實涉及政治,歷史及後殖民因素,一般人就係想都唔想,睇都唔睇,理解下都唔想就跟從一種神話般既論述講:「咁迷信架」,當依類人一咁講既時候,佢地正正係變成一個乜都唔學,乜都唔理解就下判斷既迷信人(迷信傳媒,迷信自己,迷信所謂常識(即係一聽到風水就係迷信既依種偽常識想法)。因此,還是多了解當中的理論、主張及宇宙觀先再作判斷吧!

可惜的是,今天風水命理又變成了娛樂化的節目,風水名星在電視中可以「斷估」定屋宅座向,可以亂吹風水字眼亂吹自己能力,去得果幾個國家旅行買衫又話自己去左全世界,又或跟名星師傅學左兩三年冇乜點讀過書既人又走出黎話自己係風水師.當年十幾歲讀唔到書既落選港姐又基因突變成唔知乜派風水師,marketing手法一流地集中攪感情問題(女性風水師既專長及一種主流發展),咁攪法真係乜都死啦!

風水的8運發展建議
風水及命學發展如果不走中醫的「西方科學化」/量化之路(要留意,中醫的趨勢有意被編入為補健為主,即調理及善後的角色),就要走向生活哲學及傳統民俗文化之流,(音樂也有民俗音樂的分支),故可併為民俗建築/民俗室內設計理論或民俗文化(天文/地理及宇宙觀)。

兩條路皆可嘗試發展,前者可做較大型的量化及質性統計,使一些基礎理論得以發展成標準化的奠基理論,後者則令風水學問能夠融合於不同的學科,做成真正的跨學科(現在常講的interdisciplinary)或多元化應用及研究(包括藝術,設計以至哲學,還有創意工業如動漫畫主題、故事)。

風水學早有基本理論,八宅/玄空飛星/外環境與室內設計, 有晒經典典藉, 易經講陰陽平衡,解釋物與物,人與自然間種種既複雜又互動的流動關係。根據這些理論,認為不同空間/時間及環境變化會對不同人(不同出生日)有不同的影響，

風水發展的基礎從外在的話,應該講求與環境之間的平衡及與個體的互動配合,甚至是結合生態平衡、環保的主張,以至內在的心性修行，便可將風水發展變成一種民俗文化,以至講求人與環境的和諧精神。

以上為Mr Man brainstorm左十分鐘後的想法,回看舊文, 3年前早已提到8運開始是東方哲學(包括印度,日本,中國....)的興起,以提供西方世界除宗教以外的心靈營養，當中講求的是內在修養，故要迎合8運的發展態勢，風水發展亦應該強調對人的心性發展的主題，而不是單講催財、催運等外在物質世界的生活主題。

近期閱讀Blue Ocean Strategy一書,甚有啟發,推介各位朋友閱讀分享。

香港精神

早前到沙田區的新豪宅睇風水,新豪宅與舊豪宅真係唔知點解有好大分別,舊一類豪宅舊建築,氣場好定,羅庚指針好少會狂轉,但現在的新樓宇可能多了許多埋於牆內的高科技物質,指針常會被干擾。幸好現在有地政署的精確地圖作最準確的度數參照,否則單靠羅庚真係唔知想點,最經典例子是驚天半島,試過幾個唔同生產地的羅庚指針都係咁轉,另外長沙灣一些新商業大樓也試過行前五步指針180度轉向,可謂方向大兜亂,所以,如果你叫古代的風水師黎睇現代城市風水,佢真係可能只會坐左係度,完全唔知點做,究竟新樓點解會咁?有機會找建築系的朋友為大家講解下。
客戶是生意人,關心的當然以錢財為主,主攻催財,擇日放上指定物件啟動氣場,近日客戶來電大談股票大講賺錢經歷,談如何可再谷勁一些,我記得電影《風雲》內釋武尊有類似一句對白:「一切太盡,緣份誓必早盡」,每個空間都有其飽和點，亦唔係每個財位都谷得，亂谷或谷錯反而會破財，但作為生意人，點會覺得會搵夠?總之要盡谷。
又曾有另一位客戶詢問,其朋友可到廟宇求一些唔知乜既催財物品番黎(話拜幾多日神加扣唔知幾多個響頭)，話放係財位會勁好多,問我可唔可以放上去,本來果類野有宗教成份,同風水設計根本無關,亦唔須要理,但客戶好想放上去,點算好呢?回歸基本步,一切事物也分陰陽,也是五行物之一,於是便為將件金色東西分類，先看形狀,再看顏色,是否會自行發熱,是否神像.....有助動起財位的就放上,不利此財位就再搵適合位置放上。
「唔理點都好,總之我都會盡力死掂佢!」──依個先係由60年代到依家既真正「香港精神」!!(同我會做好呢份工concept上係唔係好相似呢?!)

風水佬呃到你十年八年?

常常聽人提到「風水佬呃你十年八年」的一句說話，心想，如果有人真的被那風水佬呃到你十年八年，豈不代表你是十二分蠢的人?!
根據風水法則而言，當風水佈局依擇日放上及啟動風水五行物後(要留意，正確的風水佈局是要擇適當日子,不同風水物品亦有不同方法去activate佢，如 貔貅 便要在口內放上適當物件及點上香薰/香叫隻野起身開工，白玉黃玉扣要按時數放進熱水過濾...)，基本上最快經過12天(識野既就知道即係十二地支走完一圈，即所有五行走完一圈，)至24天，便會即時發揮令人感受到的作用，如提升財運、健康運及愛情運等。
至於何謂提升，則每個空間也有所不同，你窗外望樓一個水池都冇，錢財來得自然慢及少，因為窗外沒有大水給你收為已用，外面望一個甩皮甩骨既爛山，提升健康運的反應反而會很明顯，因為外巒頭實在太差，屋內攪一攪都可以令人感受到健康運的改變及提升。
有朋友問命批為何價錢依舊收得那麼便宜，是的，也是時候加價了。另一位朋友又問，加價會否少了客人，老實說，一單簡單風水生意已頂上20個批命，外間師傅正是要靠批命以延續其他服務的發展，而Mr Man一直也沒有做命批客人的風水生意，所以有或沒有親手批命也不會有太大影響，但我仍留有此項目，因為一直以來都有很多客人批命後繼續與我聯絡，記得有一位朋友在04年批過命後我說她會在05年生下女兒，後來收到一個05年出生的女BB資料的order，還問及如何在年幼時發揮她的潛能(又令我想起以前寫過的命學DNA文章。http://www.destinygarden.com/big5/mdiary3.htm ，在小朋友年少時去改性格及訓練獨有能力，肯定比後來三四十歲改名又求福為好。),就是那位客人的女兒,使我安慰非常。

家中風水小事2: 火燒心事件

看著now財經台的一週睇樓團, 介紹著不同類型的單位, 有些是很無良的鑽石型設計, 也有些屋是左缺角右缺角, 如果看風水時就真的麻煩死了, 要做很多額外工作或加添許多風水擺設補救。
其中介紹到一間已被購買的公屋單位,住戶用了二十萬元裝修,而且找來設計公司提供專業意見, 看看平面圖, 是長方形的一間屋, 很好呀, 正正方方整體比許多私樓的「呃秤」設計來得好,設計師的水平也不錯, 可是, 業主將廚房更改,放到室內的中心點上.
廚房屬火, 正是火燒心的意像, 對家中人會做成心血病及性格火爆的影響及改變, 2007年2黑病土又飛到屋中心, 再被火來生旺,希望他們沒事吧!
事實上,設計師們真的應該學一些風水的基本法則, 當作參考也好. 這也確實是一種增值的知識,因為我們始終是華人社會,加上中國經濟的發展及對傳統文化的從新重視,所以風水設計是很穩定而且是持續增長的行業, 如果有理工大學的朋友看到這些文章,告訴prof們找一些資料向同學們分享吧!

家中風水小事

上星期六在家中對著電腦打字，突然聽到廚房傳來「滴滴答答」的聲音，於是走進去看看發生甚麼事情，原來是一條由上層單位駁進我家中的洗手盤去水管在漏水，這是舊式樓宇的毛病，即時反應是「唉!又要浪費時間處理問題了!」，但又同時心想，上層的水漏進我家，還要是污水，應該是有所意像的顯示。

水代表了流動運轉的東西，亦代表了錢財，污水更代表了污穢的錢財，在現代的概念便是指那些賭博投機性活動的意思，這亦反映出有進財意念還是有其他問題發生呢?
就在這個星期，一隻股價橫行了半年的賭博性股票(856偉士控股)突然在4天內升了差不多35%，這算是應了污水進屋的意像吧，但同時，這幾天我亦感到胃部不適，污水原來也可以代表了飲食消化問題的出現，所以真的是有得有也有失的一周，最後找來專業人士將問題處理，整體也變得平穩起來。

今天，一些商業上的合作公司又告知，Destiny Garden的產品被香港的萬眾傳訊People's採用為3G服務，更被Yahoo的朋友打來催促完成2007年流年的網上內容，心中就感到被水沖進來的壓迫及快樂感覺，十分複雜。

自作自受一件小事 (2006年11月16日)

整理blog時,發現本文遺留在草稿中未有發表，現在總算重見天日:

在大專教書時曾有這樣的事件:
有時候不知怎的，做風水或命理師，就是有時間處理客人的屋及命運咨詢，但對自己屋企的風水及設計總是懶懶閒，或許正是這一點，我得到了五行上的"回報"，家中某位置亂放了一堆書及隨地放上一支蒸餾水!
當時打powerpoint打了八小時終大功告成，按下enter將檔案儲進記憶卡，但當時我就是信不過harddisk而相信sd卡，在按下enter的前一刻，那是天堂的感覺，因為花了整天時間打字，enter後明天教書便可使用，可惜，有誰會想到enter後卻由天堂打回地獄?!電腦突然hang 機, 儲存中的card reader顯示燈突然熄滅，當下心裡一寒，秋涼的天氣中額頭滲出了極度恐懼的汗水，真的是一面天堂一面地獄的時間交換，結果第二天沒有ppt可用，最災難性的是打從第一課開始我便將所有ppt及lecture notes放進此sd card!共24個ppt檔就此人間蒸發，當然也連同我的元氣及生命也一同蒸發掉!
第二天上課改用教科書當工具，幸好還未產生使用書的恐懼感，所以勉強完成了教學，(但也提醒了自己不要老是靠電腦做人的生活態度!好!) 將sd card送回原廠檢查，技術員告之"冇得救，但可以送上lab再詳測，不過好不樂觀"，真的!此刻我感受到生離死別的痛苦!我相信一生從未為一件死物如此傷痛過。
翻杠家中的九宮狀況，掌管電器產品的火能量宮位上正是有一堆垃圾物件，還有那支巨裝水在沖剋火能量宮位，哈!抵死!抵自己死!但過了一天，我又重過正常生活慢慢打回那24個ppt files，再為自己的家打掃一番，改運──真的一切要從自己做起呢!