改名與五行

根據MR MAN 2009年既統計. 好多人生BB,因為改名次數大升幾倍! 2009年尤其後半年,真係睇辭典多過睇雜誌!

台灣依期又新興一種9宮改名法,將名字數理配飛星黎玩.點解依家會興?因為筆劃數改名法已out,太多人"識","識"到好多家庭自己走去買本書就去改名,得唔得呢? 得(心理上而言)

事實上,改名涉及八字五行之判斷,筆劃數其實好次要,於我而言,我會直接告訴客戶其實筆劃數之理論有問題,因為一個字最重要係佢既本身五行,即木字屬木,而唔係筆劃數中4劃所屬的火,水竟然唔係屬水,而係屬木!(筆劃數以一個字劃數總和尾數計算,12屬木34屬火56屬土78屬金90屬水,係死數黎) 我作為讀過下書既人就會質疑,文字由古至今不斷演變,筆劃亦會隨時代而改變,那一個字的五行從唐朝至今已有所增刪或變異,甚至書法之不同也有所增減,那這個字豈不是本質五行不斷變化嗎??

因此,筆劃之說只係一個形式(form)俾人容易去跟,但實效是存疑的. 但我改名要唔要考慮筆劃?我一樣會做,因為太多客戶受媒體市場所影響,認為筆劃數凶的話心理上不好過,所以最後還是要改一組從意義,筆劃數,到讀音,字義五行,字與字五行排序,字形以至卦理皆為吉數之名字.改一個客戶十幾個名常常便用上一星期研究,配合出來是否有詩意,又能否與客戶要求配合,還要考慮用此名字人數的多少,太多人用的名字也欠了獨特性.再進一步就是名字之外觀美感,字與字之間能否產生具詩意及正面的人生意義, 甚至預示BB未來的光明前景,名字結合起來可以講一個故事俾人知就更加好.名既典故,當中包含可與家族相關既故仔.第日都有得解下人知.

我就見過很多新手拿起台灣姓名學書本便即時師傅上身充當姓名學專家,改好一個名字後解說得似模似樣以為是大師風範,結果一看便知錯漏百出, 不找辭典辭源看就用上一些意像不好的字, 而自己卻將個人的理解大sell特sell此字眼, 結果是"累街坊"! 大家可有想過為何姓名學是由台灣傳回香港嗎?你去看改名書一欄.絕多數也是台灣書本,為甚麼呢?其一而我又認同的講法是當年日本來唐朝取經作文化交流,官員將次等甚至虛法送往日本好讓其得不到正確的理論程式,結果筆劃數之說一直在日本流存,及至台灣成為日本殖民地,筆劃之說扎根台灣,竟然成了姓名學的"正純理論"!!!世事真神奇!!!現在大家所看到的姓名學書本,如果真的那麼易來根據五行改名,就人人都可以去三中商買3本書回來大跟特跟改好名了!

另外.Mr Man更統計出一樣野, 就係所有改名客戶都係在remark中提出類似內容:想佢個B仔B女第日開開心心生活,活得自在,可以自己堅毅咁解決問題,健康快樂.做一個正直既人. 你睇佢地幾有修養, 好多時我一睇依類remark真係好感動,亦預示左此b仔b女有個格調高尚的家庭,有時候開八字一看,沒有擇時辰開刀的竟然7歲起順運60年,天干地支皆配合出全吉數!(好多時總之天干不利或一兩隻地支帶凶數) 而且係幾個唔同客戶都係咁, 又一次印證良好的家庭素質及教育,是孩童成功的最重要關鍵.

真係物以類聚架,我只會聚到有修養既改名客戶同長期讀者,好開心呢!

名正言順為香港求籤

我係blog度講左二十萬次.(誇張) 為香港去卜卦既. 只會係大官或香港代表.

今日睇紅果日報對鄉議局主席大插特插. 話佢唔係民選代表, 唔係政府官員....所以名不正言不順. 我想講.前兩日先見依份報紙無端端幫香港民主/香港前途求籤,相比起劉生,依份報紙既正統身份肯定更加無厘頭或更應俾人質疑啦!

首先,我對紅果日報無偏見,我只係想用理論去講出占卦原則,大家好少見主流師傅(除左一兩個)用卜卦去為香港占前程. 點解? 正正係報紙要帶出既名正言順問題. 我又唔係香港代表,又唔係主要官員,本身唔具備同個天連線既身份.此為名不正!所以, 我一見有師傅話自己可以誠心為香港卜前程. 我就會恥笑佢. 普通一個冇乜讀過書既師傅. 口出狂言要代表香港人卜前程, 扮野及自大程度令人側目!平民師傅代香港卜卦之後目的係出書賣錢但話要打救有緣人. 我笑了.大家知乜事. 有時做人真係要critical一ddd.

講番劉皇發,其實理論上佢真係名正言順,追番history,以前由民政事務局局長負責,自從何志平出奇地準確求左下簽後,依隻鑊就由官府將"占卜權"交左俾鄉議局主席,大家知唔知咩叫真正香港人?我同好多讀者一樣都係祖父輩一係走難一係海外華僑黎到香港發展.真正果班香港人就係依家新界區既原居民,而鄉議局主席就係由各新界原居民組織推選出黎既大代表.血統上肯定係最為純種既香港代表啦!唔計依樣,又係政府授權佢去代表占卜.唔駛講點都好過報紙記者同扮野師傅啦. 所以,我唔明點解成班三流評論員會話劉皇發代表唔到香港!!

至於簽文,都唔駛太驚.因為上年咁既環境都求左支上簽,可想而知有時都唔可以作準.但任總講到有第二波海嘯黎緊,有晒準備,做晒防災措施,仲要唔似上年十月兵荒馬亂到世界末日咁款(以為間間廠公司都執).依舊策略,分段吸盈富a50.中移,中人壽,5仔都可一買.但長渣記住係指兩年或以上而唔係財演講既3至4個月.

玄學隨想一篇

一直有老師,朋友,客人,讀者各方友好都問我相同問題."1.你會唔會日日為自己批命,日日為前景批命,2.會唔會搵個一定要旺你自己既老婆先結婚,3.會唔會搵間屋要夾好耐先會住, 4.知道晒自己既前程唔會好悶咩? 5.批命多會唔會折福損壽?"

答案如下:
1.唔會. 因已知命運趨勢, 除非特別年份會死人, 否則9成半人生時間隨遇而安.

2.唔會. 問依條問題既朋友, 你係搵緊浪漫既愛情? 定係搵緊風水擺設呢?

3.會,我試過用3個月時間睇足一百個單位先決定.因為間屋與特定個體之間互動力太強,一定要夾.

4.就算知都唔會好悶, 你明知人生有起跌. 但起跌形式總有新玩法, 幾年一次股災,歷史不斷重覆,但每次都有新花樣黎令你唔會覺得有股災, 又次次都有人信"今次同以前唔同架啦". 所以永遠有新野出現. 應該好期待今次命運劇本有咩新花款先係.

5.唔會.除非本性向惡,導人向惡,我地預示人生起跌,同各行各業做預測工作一樣,如果我預示完就要扣我能量,咁財經演員應該被扣分數更多,加上成日見好叫好 見差叫差既所謂大話分析,照道理佢地應該扣分更多.但佢地仲係個個身光頸靚酒色財氣玩到殘都冇事.道理上冇理由會攪到我.

祝各位新年快樂! 身體健康!

善用 利用 與 運用朋友

"電"友人在霉運的時候,常哭喪著臉找我問前程,即使對方仍有一份穩定的工作,我仍是完全免費且樂意提供意見. 對方還會稱兄道弟一番,結果是我給了指示,還本著朋友之道看完風水,然後我再請對方吃飯喝酒不知多少次.

好了,低潮過去,到了生活富足之境. 結果給我送來一份"我特意送給你的貴價禮物,小心點,那可是價值數仟圓的禮物", (我一聽到已極不好受: 1.對方友人可是該禮物的代理商,早已讓我得知那是值二三百圓的東西,其實只要是心意我是很高興接受的,即使不值一文,心意卻是無價. 2.最痛心是對方的擘大眼講大話言論!)

精彩浪接浪, 一個晚上, 12時打電話來說: "我剛剛睇左另一個師傅.收好貴架.佢話我間屋要放xxxxxx,我想問下你,唔放果樣而放其他得唔得,因為買唔到!"
另外, 他的跑車上有一條女子, 據他所言 "佢好霉, 想搵你批一批, 想用你yahoo $200蚊果個service,我咁friend介紹生意俾你,俾個discount黎得唔得"

我終於發火......地答了: "那幾樣東西其實可用xxxx代替,但你其實可以搵收左你錢既果位師傅問,唔須要夜媽媽打黎問我, 咁啦,你窮成咁連200蚊都要discount,我唔收錢,叫佢上老人院做一日義工,之後我親身幫佢睇啦."

自此,我對"朋友"又要重新定義一番!

其實每次得到可觀收穫時,也會有友人(s)說: "你分幾多俾我?!" "幾時請我食飯?!" "送套xx俾我啦,橫掂你搵到?"
老實講, 講得出以上對白既, 都或多或少反映左佢對朋友的理解以及與硬化塑料之間的高度相近性.
唉!套用重案組黃sir名句"依個世界唔應該係咁".

08 09年病氣意像

2008子鼠年,與火性五行對沖,水火之沖從小事看代表突發事件,情緒不穩及發燒炎症等小疾
從大病看代表突發之心臟病症及水險, 尤其是馬年或自坐午火或午火於八字出現又為用神之人, 今年必有不穩之狀,冬天尤甚。

2009己丑流年, 代表了皮膚及腸胃之疾, 09年在飲食方面須多加注意, 為慢性病之年, 羊年生人及八字中未土為用神者, 今年也是多事之年。

由於丑牛年是為金性五行的墓庫, 名中帶金及日元五行屬金之長者, 今年尤須留心健康, 入墓之年命元受損,夏天尤甚。

美女補習天王, 美女風水師, 美女....

愈來愈多以美字為頭的專業人士出現.
當然,樣靚是有吸引力的. 但似乎賣樣多過賣才學就有點兒那個.
偶然睇網上雜誌, 看到又一美女風水師, 在網誌內放了一幅風水圖則, 以 "名家風水批圖"作題, 用的方法竟是"驚天地泣鬼神"的九宮飛星. 睇完後原來又係一場笑話.
MR MAN很老實,因為不會眼紅同行而講野, 原因係我講又唔係多人睇, 所以講黎都係冇用. 亦唔會係依個area精神自瀆平衡心理. 所以只係做個remark.
大家可看看近期又再熱播既補習天王長腿美女天后youtube, 睇完得啖笑, 英文的accent, pronunciation及用字連教果個都有問題. 發音咬字都唔準仲教人. 又一次印證原來外表勝過一切.
其實,用初學者都識既飛星冇問題,問題係夠膽放幅飛星風水圖出黎話依d就係名家批圖, 又再引用重案組黃sir果句, "依個世界唔應該係咁!".

Programmer的啟發

每一門學問也有其準確度, 這是一句廢話, 要如何應用及參考呢? 當然是將數門中西學問合參就最為恰當. 西方占星學對月亮,太陽及木星的分析於大市的升跌甚具參考價值, 反觀中國的五行及飛星數理運用則是焦點式的分析預測. 假設中西方學說都預示大市上升,而想買的股票又低pe高息率且增長勢頭大好.還有何要懼怕?

不過,當術數作公開性在電視上預測時,這是有問題的.因為有一種擁有最大能量的角色在控制世界,就係個天, 佢會俾你凡夫俗子預測所有走勢及發展仲要公開展示晒出黎? 衪不會讓你這樣做的, 你私下應用數人分享一件事,但當自己係神仙取代其programmer的位置,衪當然會出手干預.在衪而言只是改改程式的0和1的排序,所以.有乜野都係私底下賺錢算了. 不用出風頭. 保持冷靜, 賺多了錢記緊做多點善事. Programmer會記下功德. 說不定到大家遇上災害時會多一個機會. 讓你避過一劫.

還有一點,受人恩惠, 自己也要有所付出,不可只take不give.否則programmer自會幫你計數. 所以真的要多做點義工身體力行出錢出力做善事呢.

考試作弊的出生季節特點及原因

曾經教書多年, 自己也讀書多年.

出貓是有相睇的, 一進試場, 眼神飄移, 唇薄, 頭髮及眉毛較疏, 下巴有痣及印堂有疤痕的, 都會較易做出出猫的膽大行為.

以前監考的時候.我最喜歡裝著望向窗外景色, 令有心人以為冇王管, 其實我正是盯著那塊帶有課室倒影的玻璃, 結果當然在我"望窗"數次後一一現形.

通常是西曆5 6 及11 12月出生的人.此四個月是極火及極水的季度,火代表了膽色,刺激及勇氣,而水則代表了變幻無常,情緒化及原則性弱. 這些元素都是令人極易犯險的因素.

衰開有條路

生意人阿戊, 做貿易買賣, 點知上面partner犯法連帶自己都有問題, 一貫的有證有據關連九族,北面友人提醒, 依排千萬不要番上黎, 阿戊開頭幾聽話, 但基本上已連上黑仔運氣, 物以類聚黑開既野自然會聚埋一齊, 以為避過左, 點知隔左一排, 家中有喪事, 去完喪禮後接到內地生意人電話叫番上去傾, 突然唔記得晒之前單野, 隻身傻下傻下過關, 於是俾關員合法拿下, 本來俾錢交補證金百幾萬就可了事, 查明真相自可平安, 點知身邊人懶醒加多口唔生性講多幾句野, 得罪北大人, 又要俾多幾十個, 點解事件發展成咁? 因為運氣差開有條路. 配合劇情發展而已
正常而言, 八字早有顯示流年不利, 犯官非破大財,最多俾十幾廿萬攪攪精心風水局自可提升運勢盡力避凶,但既然係運, 又點會益你搵到人幫手, 自不然跟劇情走入死胡同, 再係自己好黑既時侯去一個不得不去既喪禮吸盡陰氣, 好自然地將劇情推上climax,神推鬼趕咁自投羅網, 之後又有親人講錯野踩多一腳, 可謂衰開有條路黑到盡晒,本來以為死梗,但天無絕人之路得貴人通關營救,財可通神,結果破財擋災幾百個.
事後得知事件發展,救不得.點解?因為個劇情係要令主角黑落去,就唔會令佢一開始就搵到我,即使搵人攪風水反而極大機會搵左個假師傳扮高人再亂整間屋,一定會再配合故事發展,個c苦自不然盲摸摸地係凶位加強力量,之後又係照舊應番條凶數,當你以為愈係避緊同遠離個黑洞,其實係愈直接咁加速跑緊入去.簡單而言,好oedipus. 所以大家仲係度睇緊我既blog.就證明你仲好有運,仲會識得化解下或有個人係度同你講下醒世故事.

估職業遊戲

回浸會母校走了一趟，在舊校後門見到一個水池，水一級一級的向後門的方向流出，後門大開，對出是一條向軍營方向的斜路，而舊校正門亦是一級一級流向外的水池，真的前後門皆往外流水，風水形態上正是前後倒水的情況，代表了錢財支出巨大，難於儲備。

記得今年去過許多不同的同學會活動,玩得最多是估職業遊戲，沒有開八字，沒有看面相手相，單憑感應去估朋友們的職業，估一位朋友是做教育工作，他說自己是社工，說我估錯，我也責怪自己feel唔到的過失!誰不知言談間對方又說現在是在教導年青人soft skills，要備課上堂教書云云.... 再有另一位同學,我估她是做電視或廣告創作,又錯!!!她還說看看甚麼紫微斗....(掃把)的威力,(我的可是八字命學呢!可見一般大眾對命理學的認識是被傳媒洗左腦!)最後揭盅,她是做電視廣告!!!....的審查工作。真係純玩感應而去feel做邊一行業,點知咁多崗位上的職位或職責呢，所以估到大方向及行業所在已經算係咁，八字上木性五行主創作,生於春天者多有創作力，而審查則為金性性質，主管理及監察，生於秋季者多有此原型能力。

追查八字已可知個人的強弱項，當然還要配合時代環境，正如90年後所興起的IT業，屬火，但如在80年代批命的話，會說你從事電子業，如要求高的話，就會說80年代的命書不準，因為我是做電腦及程式關發而不是電子呀。

此外，現代工作更開始有融合發展，客戶服務不只是接complaint，還有推廣產品甚至做埋金融顧問，做電腦開發的同時又做埋管理加招聘工作，那是屬於何種主要工種呢?故此，最重要還是大行業為先，配合自己五行所須，其次則是負責的崗位，便可有助個人的運勢發展。 但老實!冇運既人自動配合劇情發展去做左辛苦、付出多收入少既行業，有運既就會做到適合五行的工種及行業，命運一字真的很有意思呢。

讀報後有感:皮紋學(Dermatoglyphics)

睇2007年5月6日appledaily副刊,有一篇好長既專題介紹叫皮紋學(Dermatoglyphics), 題為「FBI 研 究 色 情 狂 罪 犯 指 紋 解 碼」，可參考http://appledaily.atnext.com/template/apple_sub/art_main.cfm?iss_id=20070704&sec_id=38163&subsec_id=6540083&art_id=7282128閱畢全文，先想起2003年在玄緣記趣寫過有關DNA與風水相學的文章:「命學DNA」，可參考http://www.destinygarden.com/big5/mdiary3.htm
再細讀行文內容，便覺得要提出一點點質疑，引文為「指 紋 可 以 讓 你 在 e 道 上 出 入 境 外 ， 還 可 以 知 道 自 己 小 朋 友 的 潛 能 所 在 ， Dermatoglyphics （ 皮 紋 學 ） ， 連 美 國 FBI 都 用 指 紋 來 研 究 暴 力 狂 或 色 情 狂 的 罪 犯 的 基 因 配 對 。 要 發 掘 子 女 的 潛 能 ， 只 要 將 指 紋 解 碼 ， 便 知 道 他 們 的 潛 能 所 在 ， 發 掘 潛 能 就 係 咁 簡 單 ！ 」
首先，依我皮毛既語意學理解，依度係點出左FBI係研究緊兩者關係，並唔係得出結論去肯定兩者關係，但我覺得咁樣去做研究及推斷係有意思及有趣既。(但我同時想講，相學同八字命學中早有一套睇色情狂及咸濕或情慾過旺既命理法則。車!我地中國一早有依套theory啦!不過依個世界係咁，要有d儀器呀,有d好似好pro既term咁先會多人認同,自然宇宙觀同五行平衡概念!都唔知我up乜!)
再睇文章，唔同既紋理會得出唔同既性格特徵，有意思，同12星座差唔多但比起48星區呢?六十甲子或八字性格呢?
另有以下一段「睇 完 指 紋 ， 明 明 話 你 心 像 力 高 ， 但 對 美 術 卻 一 竅 不 通 ， 點 解 呢 ？ 據 亞 洲 皮 紋 學 發 展 中 心 諮 詢 師 Michael 表 示 ， 這 與 後 天 培 訓 有 關 。 「 若 遺 傳 基 因 顯 示 你 對 藝 術 方 面 較 強 ， 但 後 天 無 培 訓 ， 加 埋 自 我 管 理 能 力 差 ， 人 又 容 易 分 心 ， 都 會 將 潛 能 掩 蓋 。 正 如 一 人 推 理 能 力 差 ， 但 若 喜 歡 計 數 、 推 理 ， 不 停 練 不 停 做 一 樣 唔 會 差 ， 呢 叫 將 勤 補 拙 ， 但 擅 唔 擅 長 係 另 一 回 事 。 」
如果相學及八字咁樣同客人講.我相信客人會覺得我唔準,冇法子,不嬲對待中國野係唔多公平,紋理唔可以講未來發展趨向,只可講所謂既「原型性格」,咁功能何在?有既,會教你應由細點發揮所長,咁每個小朋友都要去check一check啦,所以我肯定依門business一定有得做，而且對於好多肯俾錢仔仔女女去補習學奧數學珠心算學日、法文既家長而言，依千幾蚊真係散紙而已，冇理由格離王太個仔test完話佢係聰明仔,我阿B仔唔聰明過佢我唔信!另,如果王太個仔知自己既潛能,我阿B仔咪好蝕底?(近來朋友同我講.佢3歲既仔睇完tvb廣告識唱番成首歌出黎.學警出更2首主題曲都識背,...our sweat and tears...仲識跳埋舞,睇金象香米廣告.一路唱問世上有幾多愛.....最後仲唱埋金象香米出黎,點解呢?因為佢以為依句都係歌詞,於是我朋友決定送佢去學唱歌同跳拉丁舞,佢喜歡既就繼續學,唔喜歡就轉過)我地依代人好受後天媒體影響架喎,咁咪擾亂晒我地既潛能?定係發揮左?真係天曉得了!後天,仲要計有冇好學校,好老師,好環境......點先搵到呢,邊個方向有利呢?皮紋學可以多多研究下。

全文睇完，其實我係眼紅緊「新興科學」既行業，剛在網上收到一個改名order，看BB的八字，己知往後的性格發展，同個媽媽講個bb既發展優勢，適合既顏色...等資料.但我最想知既係，如果test到個小朋友係變態色情狂，係唔係會照用依個字眼同佢家長講先。

2008奧運的五行福娃

依排工作須要所以睇多左2008北京奧運既相關內容,睇到有關福娃既報導有感,所以要寫篇短文抒發下。

睇香港新聞及內地網民既批評
1.設計上根本冇考慮消費者的理解能力,用上五行或五的概念太複雜,很難一看就知當中的意思。
2.亂將五行意念「硬套」於福娃之上(MR MAN按: 唔係化?!除左顏色係有出入外)

就住第一項香港報章關於設計既批評,我意見如下:
人地外國人識鬼咩?最須要既就係一o的令佢地感興趣既話題,五行概念對佢地黎講既有地區性的傳統文化意涵,又有少少神秘主義,但又可以講得通相生平衡既主題,係市場推廣上根本就成功左,有時侯,有得解有故仔講下先至係成功既文化商品,你講nike同佢既一tick標誌,係唔係所有中國人都知nike係希臘既勝利女神?係唔係所有人都知果tick係代表向前衝既動力同願景?有時候根本唔駛知,反而代言人既形像更為重要。所以五行福娃本身已有很好的"卓"頭，panda果隻更加應該大賣啦。

就住內地網民大大聲嘈既亂評,佢地話「五行」係「硬套」福娃之上!我意見如下:
根據設計團主要成員吳冠英教授既解釋福娃與五行的關係: ﹝耗費了吳冠英８個月心血的「喜娃」在初評時卻遭到了淘汰。但後來專家修改小組對入選的六個方案都不滿意，組長韓美林提出再找新思路，結果，吳冠英教授的「五行理念」被選中了。
「於是，用熊貓代表森林，用魚娃代表水，用火娃代表奧運聖火，用藏羚羊代表大地，用北京特有的沙燕風箏代表天空，‘福娃’就這樣誕生了。」﹞(擇錄自大公報)

用熊貓代表森林(屬木,請留意!十二地支中的「寅」也是木,動物代表是虎/貓科動物,熊貓直頭又得意,又代表中國,又合晒五行合到dup dup hom!但因為要配合番奧運的五環中的黑環,黑屬水,顏色上不可能完全配合回五行)，用魚娃代表水，用火娃代表奧運聖火，用藏羚羊代表大地(八卦中坤為地，又係屬土，而十二地支的「未」屬土,代表動物正正是羊,依家用埋內地特有既藏羚羊,仲想點?)，用北京特有的沙燕風箏代表天空，(這是較有爭議的一隻,但如果識五行識易卦又係一解就明,十二地支中的「酉」屬金,代表動物係鳥/雀仔,而八卦中乾卦屬金,代表天,又係arm晒!不過,顏色上與五行的確是有出入的地方, 因為用上了綠色,與金相沖相剋,就是這一點有不盡完善的地方。可能因應設計考慮,冇理由用淺黃同土娃撞色,又冇理由整隻白色既福娃,而且木娃panda已經係黑白色!)

本地報章批評福娃設計:
福娃身負重任，要傳遞的訊息又那麼多，除了宣傳奧運、主辦地點，又要代表不同運動種類，還有中國傳統藝術、「五行」學說，而且每個都有自己的性格……。老實說，部分訊息，若有關方面不作解釋，大眾也可能不知道，就算明白了，大家一下子也未必完全記得。同學有同感嗎﹖
如此，就犯了設計要求產品簡潔易明的原則。同學須知道，設計品不同藝術品，也不是純粹重實用性的產品，它需要肩負「帶出創意」和「帶來經濟效益」的使命。
因此，簡單、令人容易明白又新鮮的設計，可以令人印象深刻，從而收取宣傳、推銷功效。北京奧運吉祥物五福娃想要帶出的訊息雖然很多，甚至多得令大家不能看一眼就完全明白。

以下為大公報的報導:
「福娃」設計者獲1元精神獎勵
2005-12-4

【大公網訊】「設計‘福娃’我們沒有報酬，奧組委只獎勵１元錢作為精神鼓勵！」３日上午，「福娃」設計者之一、清華大學美術學院教授吳冠英在山東師范大學作了一場名為「２００８奧運會標志、吉祥物原創設計過程」的報告會，他還特地告訴學生們，「福娃」的色彩設計採用了山東濰坊年畫的套印技術。

據新華社濟南１２月４日電，「‘福娃’是集體作品，是大家集體智慧的結晶！」吳冠英教授先強調這點後，才從電腦中調出了他最初的參賽設計手稿──五個人面魚紋娃娃，當時叫「喜娃」。

去年１１月，吳冠英繪製了一組「喜娃」參加２００８年北京奧運會吉祥物征集，這組「喜娃」是五個不同顏色、形態各異、有著人面魚紋面孔的小精靈，它們代表了中國的「金、木、水、火、土」五行理念，也與奧運五環的顏色相契合。

耗費了吳冠英８個月心血的「喜娃」在初評時卻遭到了淘汰。但後來專家修改小組對入選的六個方案都不滿意，組長韓美林提出再找新思路，結果，吳冠英教授的「五行理念」被選中了。

「於是，用熊貓代表森林，用魚娃代表水，用火娃代表奧運聖火，用藏羚羊代表大地，用北京特有的沙燕風箏代表天空，‘福娃’就這樣誕生了。」

「這‘福娃’還帶著‘山東味’呢。」吳教授指著電腦屏幕上憨態可掬的五個「福娃」說，為了體現中國娃娃的特色，在「福娃」色彩設計中，專門採用了山東濰坊楊家埠木版年畫的套印技術。

注:【大公網訊】或【大公專訊】為本網即時新聞，非引自《大公報》，敬請留意。

天氣反常與陰陽五行大逆轉

2月4 日正式踏入立春，代表豬年正式開始，祝大家新年快樂，心想事成。

踏進新年有新生氣，本來代表了好開始，可是全球暖化，今天是希臘天氣反常，後天是歐洲各國，明天是北美，跟著又到中國及香港，我們都切實感受到天氣變暖的問題，「明日之後」似乎會比想像中更早出現!God bless us!

問題來了，根據中國傳統自然觀的陰陽五行平和理論，在天氣反常之時似乎也起了重大變化，以往是初春出生的人因為天氣過於寒冷，所以須要加入火性元素來轉化負能量，以達至命局和暖的平衡效果，可是現在卻是一個相對極溫暖的初春，那在2007年春炎熱天氣出生的人，還須要火的元素來幫助嗎??相信這也會令新一代出生的人的命運變得更易起伏不定，亦令命局的元素變得複雜混亂，這是影響極深遠的重大理論問題，甚至動搖整個五行系統及八字理論，人為的環境破壞結果是破傷自己下一代的命運軌跡，真的是有因必有果，如何是好?!

Destiny Garden擇選吉日開張:今年最好的開工大吉日是2007年2月21日初四的巳時，即上午9至11時，貴人祿神之星滿載，代表今年的工作主流運勢將會是整體趨向順利之年，開工之時，緊記在西南方放上9支香薰香或8個紅色利是封，以趨動開工吉日的孖8雙星，吉上加吉，是一個極好的問始，對深秋、初春及冬天出生的人尤為吉利之日。

八字命格篇: 對男伴要求多多及腌尖的先天定數

跟一個商管出身的女同學談近況，她向我投訴為何會找不到男朋友，是否命格使然? 她一方面說自己「冇拖拍」，另方面又彈三彈四說男同事如何不濟，不是律師、又不是會計師，就算是會計師!他們又不是CFA或芬佬，又不是在ibank工作，就算在ibank工作，他又不夠靚仔或身材太矮。

我完全不排除有些男士是修養有所不足，但老實講句，「人比人，比死人」才是這位朋友的核心問題，究竟你是想要有一個感情伙伴，還是要一個金甲萬能俠?本來是可以很單純的愛情關係，卻由於高度資本化的香港/都市文化，而變成無止境以物質量化感情的愛情關係，那不是很可悲嗎?朋友，你有這些潛藏的「眼角高」想法嗎?

檢查她的八字，六十甲子日柱是戊申日，古云:「土猴常獨宿」，土是指戊土、猴即是十二地支中的申金，放在一起就是自坐食傷剋制官殺的情況，亦代表了喜歡不斷說話、對飲食質素有所追求、喜歡玩樂及對男伴要求多多。女士們要留心，此類命格如果再在日常生活中不斷說話說是非，是會直接影響夫運，再嚴重些會變成剋夫命。此外，自坐食傷還代表了對個人工作常常產生不滿，總認為上司沒有看重自己的能力，又或是對前景感到十分不穩定，同時又會產生剋制上司的力量，容易不滿上司。

除戊申日外，還有甲午、乙巳 、丙辰、丁未、丁丑、己酉、辛亥、壬寅等自坐食傷的日柱。大家不妨到六十甲子程式 http://www.destinygarden.com/big5/predict.php 中看看自己是那否上述的日柱，是的話便要從性格上有所改變，想法正面一點，凡事看開一點，是非嘮叨少說一點，那便較容易得到感情上的快樂呢。