星期一, 8月 17, 2009

大學見聞

到一所大學辦點事, 坐著等侯友人,
附近的一個取學生證櫃台發生這件大事:
一名穿red wing背著大burberry斜袋的啡髮潮童走往窗口說:"換學生證" (冇唔該,冇尾音,指令式語言)
負責的student helper(以下簡稱sh)一呆 "請問你是undergrad還是postgrad?"
潮童咀miumiu唔識英文咁款反問"咩話?"
sh有禮地再問:"請問你是undergrad還是postgrad?"
潮童輕佻回答:"under"
sh保持笑容將一份文件及學生證交到那位低能兒面前, 低能兒用警察問話方式發問: "依張乜黎?"
sh:"用黎俾你報宿舍"
潮童聽後一手拎走頭也不回離開了, 此時sh回歸正常人狀態,我看著其口型"xxxx,唔知咩叫禮貌,未見過freshmen咁XX"然後回頭跟其他sh繼續X潮童.
我"哈哈"的大笑出來,我支持這位sh的真面目,如果他當眾教訓那位新生,我會大聲吶喊支持做啦啦隊員.

星期六, 8月 08, 2009

毒世界

電影門徒解釋了一些吸毒的原因. 因為大家都迷失左. 城市出現. 離棄人與人關係密切的鄉間生活. 大家都很alienated.與自己的生產疏離, 與自己的親人疏離, 與感情疏離.
迷失了的年青人. 遇著亂講人權, 亂講自由, 抽水亂up搏上鏡之"評論完", 迷失的家長一齊大合唱反對強制驗毒.
常說新加坡青年在高壓家長式統治下欠創意, 老實說, 人家民風純樸得多. 年青人健康得多. 香港的年青一代創意創見不見得出眾, 但卻很喜歡在學校high野. 家長還想談自由保家醜反對德政. 放縱及"寵幸"你們的子女high飽吧. 因果.
現在的社會. 濫用自由. 我有high野的人權,你不可隨便驗我. "我"的ego大得蓋過良知. 瘋狂!
我建議學馬來西亞及新加坡. 學校吸毒要打藤. 為他們留下成長的印記. 明星們吸毒多打三藤,擺明唔公平,做明星做idol咁犀利丫拿. 瘋魔萬千歌影迷丫拿,唔搵你祭旗搵邊個?