中大 林冠傑 中醫師

相信在中文大學內, 只要到過中醫院看醫師的, 都會知道林冠傑醫師的名字.

當年我還在中大讀書的時候, 就時常找他調理因通宵捱夜而七勞八傷的身子, 那時試過面上皮膚突然有一個位置變啡,即時找醫師幫忙,結果順利美容成功.同學又試過滿面暗瘡看過西醫卻無計可施,結果又是找林醫師"執"數劑藥而變回美女. 大學內很多教授也是得到他悉心護理, 所以他新開的診所內掛滿來自不同大學學系的感謝狀及匾額,

曾有一次, 到他駐診的醫務所看病, 見到的除了學術界人士外, 還有許多商界名人, 曾看見一位相貌十分高貴的女士, 而且很臉熟, 原來是查史美倫.身旁還有一些香港興業的高層人物.

我又曾傻傻的介紹一些當空姐的友人看他, 結果是苦了林醫師, 因我的同學盡是七咀八舌說話極多的女生, 但林醫師仍耐心治療她們種種在航機上工作而引起的身體及脊骨,腳骨勞損問題, 結果都是經過他悉心的治療後,現在都比她們工作前更富活力及健康舒泰.

林冠傑醫師在新界大埔廣場1樓43室新開設了 晉傑中醫診所, 預約電話是2667 8116.
在此特地向他祝賀一番.

善用 利用 與 運用朋友

"電"友人在霉運的時候,常哭喪著臉找我問前程,即使對方仍有一份穩定的工作,我仍是完全免費且樂意提供意見. 對方還會稱兄道弟一番,結果是我給了指示,還本著朋友之道看完風水,然後我再請對方吃飯喝酒不知多少次.

好了,低潮過去,到了生活富足之境. 結果給我送來一份"我特意送給你的貴價禮物,小心點,那可是價值數仟圓的禮物", (我一聽到已極不好受: 1.對方友人可是該禮物的代理商,早已讓我得知那是值二三百圓的東西,其實只要是心意我是很高興接受的,即使不值一文,心意卻是無價. 2.最痛心是對方的擘大眼講大話言論!)

精彩浪接浪, 一個晚上, 12時打電話來說: "我剛剛睇左另一個師傅.收好貴架.佢話我間屋要放xxxxxx,我想問下你,唔放果樣而放其他得唔得,因為買唔到!"
另外, 他的跑車上有一條女子, 據他所言 "佢好霉, 想搵你批一批, 想用你yahoo $200蚊果個service,我咁friend介紹生意俾你,俾個discount黎得唔得"

我終於發火......地答了: "那幾樣東西其實可用xxxx代替,但你其實可以搵收左你錢既果位師傅問,唔須要夜媽媽打黎問我, 咁啦,你窮成咁連200蚊都要discount,我唔收錢,叫佢上老人院做一日義工,之後我親身幫佢睇啦."

自此,我對"朋友"又要重新定義一番!

其實每次得到可觀收穫時,也會有友人(s)說: "你分幾多俾我?!" "幾時請我食飯?!" "送套xx俾我啦,橫掂你搵到?"
老實講, 講得出以上對白既, 都或多或少反映左佢對朋友的理解以及與硬化塑料之間的高度相近性.
唉!套用重案組黃sir名句"依個世界唔應該係咁".

08 09年病氣意像

2008子鼠年,與火性五行對沖,水火之沖從小事看代表突發事件,情緒不穩及發燒炎症等小疾
從大病看代表突發之心臟病症及水險, 尤其是馬年或自坐午火或午火於八字出現又為用神之人, 今年必有不穩之狀,冬天尤甚。

2009己丑流年, 代表了皮膚及腸胃之疾, 09年在飲食方面須多加注意, 為慢性病之年, 羊年生人及八字中未土為用神者, 今年也是多事之年。

由於丑牛年是為金性五行的墓庫, 名中帶金及日元五行屬金之長者, 今年尤須留心健康, 入墓之年命元受損,夏天尤甚。

投注站風水實踐玄結篇

寫完投注站風水秘笈一文也有數月, 兩星期前按入自己的blog時, 竟然連續按錯兩次都click進此篇文章之內, 於是便因此巧合而作出嘗試, 一再印證玄學就是那麼玄.

二星期前, 看過文章後, 心血來潮想單單以文章方法作測試, 因為太耐冇再走進投注站, 竟然連MR MAN師傅自己都差點左右不分, 在門外定一定神,從右門進入, 選窗口number, 但排長龍,好長果隻. 照等, 行到去發現不是駝衰家櫃位員工, 照買$20電腦飛, 排得隊來買完後走時竟然自己忘記左搵左門出,反而用番原門走人. 堅傻. 不用多說. 賭注泡湯.

一星期前, 因心有不甘之前的糊里糊塗, 於是又黎多次.(死唔死!自己去到反而頭暈!不過氣色尚可), 照舊選門而入,選櫃位,再選櫃員. 今次買了 $35的7個字及$20電腦, 結果.算是少少少橫財可得. 每張都中3個字.共取回$100大元,算是升值80%．

今個星期, 又是心血來潮, 又再用相同法則 , 留意. 已沒有計算奇門方向,用神時等複雜資料. 選了窗口. 又買$35的7個字票, 員工還加一句"祝你嬴多d", 結果是玄之又玄的結果. 已有多年沒有看到攪珠節目,因主打cable同tvb. 點知想按cable的12台,結果按了settopbox的12即亞視,又剛巧有攪珠節目,便懷舊一番睇著結果. 2, 32 首兩皆中, 已有很強預感會中第3個取回80大元,結果竟然給了我3個半字. 據朋友講會收到 $480,即10倍有多的回報. 算是very lucky, 但請緊記, 我的方法只供參考, 亦是氣運皆配合先玩一玩, 也可說是意外的推動.否則根本不會走進投注站.

總結. 心內已滿足,見好即收,多行善事,心中更富有.

留下相片一張存證, 上兩張則已收派彩,無法留證.唯有講個信字. 不過.精神分裂也要說一句,

"讀者們!十賭十騙呀!"

美女補習天王, 美女風水師, 美女....

愈來愈多以美字為頭的專業人士出現.
當然,樣靚是有吸引力的. 但似乎賣樣多過賣才學就有點兒那個.
偶然睇網上雜誌, 看到又一美女風水師, 在網誌內放了一幅風水圖則, 以 "名家風水批圖"作題, 用的方法竟是"驚天地泣鬼神"的九宮飛星. 睇完後原來又係一場笑話.
MR MAN很老實,因為不會眼紅同行而講野, 原因係我講又唔係多人睇, 所以講黎都係冇用. 亦唔會係依個area精神自瀆平衡心理. 所以只係做個remark.
大家可看看近期又再熱播既補習天王長腿美女天后youtube, 睇完得啖笑, 英文的accent, pronunciation及用字連教果個都有問題. 發音咬字都唔準仲教人. 又一次印證原來外表勝過一切.
其實,用初學者都識既飛星冇問題,問題係夠膽放幅飛星風水圖出黎話依d就係名家批圖, 又再引用重案組黃sir果句, "依個世界唔應該係咁!".

家居風水提示

窗台床禁忌一文早前寫成後,收到不少讀者詢問意見.

老實說, 在未來半年如此經濟情況下, 屋企賺得最多錢者, 或家中經濟支柱, 還是不要睡進窗台部份為妙.

原因已一再帶出, 沒有整體的基座, 如置身崖壁之上,形家之派視為不穩及失去支持的意像, 在失業大軍中尤其易見. 特別是置於7赤破軍(家中西南方)及5黃(正南方)之床, 更易中招.

本想推出那個結界陣的服務, 但因年尾事忙,連找具正能量的五行物品也沒時間. 大家請耐心等待一些時間. 連風水電話號碼也沒有再找到, 找過數次也發現"完全沒有"靚number. 一切皆是命.

有問題的朋友,暫時多聽鄭國江老師所作之詞 "阿信的故事" 作心理勉勵吧. 但按五行之局, 下半年仍有水像, 現在已跌得四腳朝天, 若果經濟是會令人不理性亢奮, 同時也是會令人不理性悲觀, 那也沒有再有甚麼好怕了.

老媽子智慧

今天股市又是瘋狂的插插插.突然令我覺得"冇乜讀書的老媽子"很amazing!

老媽子.小學未畢業,工廠女工一代.嫁給忠直製衣父親.儲錢儲錢.真的死儲爛儲.但用在小時候及少年Mr Man身上則從不吝嗇,健康食品數萬元地買.單從物質已可見老媽子十分疼我.精神上更是無限量支持小弟.從小學選中學開始,已任由我選擇自己的路.(甚至我毫無概念亦叫我自己選擇,當年仲差d俾小學老師線死,將一間出名band1中學講成band3,另一間明明係band3既講成band1,但電腦派位竟然排最前既band3唔收我而排第三位既果間band1收左我!命運整定我讀名校?!入到去先知幾個同學仲要係成家人又乞求又盛咁辛苦interview同再考入黎!) 點都好,老媽子要我緊記一樣野."自己作出抉擇後唔好怨人.有乜事就怨自己".細細個已係咁催眠我.amazing!!

無乜讀書只識加減數,連乘除都有點困難的老媽子,外幣玩得神乎奇技,識得5幾入澳幣收足幾年高息7幾放貨.之後即時減息又跌番去5算.黃國英又話只有全世界最叻既人玩外匯市場.老媽子竟然係叻人?amazing!

係股市中永遠唔買唔識既野.咁耐以黎只買中電及5仔. 年青人一聽就話悶加狠批此乃老人股.發唔到達!?佢就買足20年冇郁過.仲會打黎問"依家係唔係叫大跌市,係就幫我買多一d.膽子比讀過下書既Mr Man更大. amazing!

銀行經理姐姐哥哥叔叔無限次說佢出張信用卡.結果一張都未出過.反而前幾年出左張提款卡交由小弟負責提款(我已同佢表明咁做係極高風險,希望冇誤導佢老人家!冇錄音冇得拗!haha) amazing!

另外又有無數櫃台姐姐無限次說佢買基金,迷惑借據.....etc佢每次都係唔識係乜所以唔買.但茶餘飯後總與小弟講"依家d基金點解會高息過銀行定期?有d債務(佢係指債券)有成20厘息點會冇風險?!" 明顯佢有好奇心但更有好強既堅持力及risk management知識.amazing!

最後,我係唔係應該遊行示威叫正苦表揚下很amazing既老媽子呢?

回憶是甜味

曾經,點名的時候學生走來,面露難色及歉意對我說"老師,下星期的課我上唔到,我想轉去另一學系的相同課堂上課,請問我可以選擇那些節數呢,唔好意思呀."

曾經,學生遲到的時候,他靜悄悄的走進來,向我點一點頭手放額前狀say sorry,還於課堂完結後即跑來解釋原因,有的更會在前一堂說明要遲到半小時,原因是專科覆診,會記緊給我醫生紙.
原來,form(形式)是很重要的.現實中的interpersonal skill其實就是formalism.形式先決.內容為次.

曾經,學生上課時遇有不明白的地方,舉手說"請問....."又或是就著課堂內容表達自己的見解.

現在,一些舊同事在投訴說,1.學生沒有上課,下星期見到她時拖著同班男友的手走來,"我俾番醫生紙你就得啦可?我果日太病,冇睇醫生,今日先睇番(huh?!咁都得?!)" 或"我要做parttime好眼訓,所以冇番學,你唔好計我冇番啦,有冇攪錯呀.你咁都要計!"

2.今天那個同學遲大到成粒鐘,仲大搖大擺渣住一大袋早餐及傾著手機走進lecture theater,然後與不同同學say hi寒暄,再找自己最心怡的位置坐下來,然後"沙沙沙"聲打開塑膠袋再"摺摺摺"的咀嚼麵飽及"雪雪雪"聲地飲奶茶,完事後不久就大大聲的"arm...."加伸懶腰打大呵欠.

3.上課時叫學生睇新聞資料,
學生"又睇?"
同事"你睇過拿?"
學生"咁多字好煩!"
同事"睇多少少可學到更多既知識"
學生"你好煩呀" (聽完依個舊同事既故事真係笑左出聲)

當我聽到這些投訴時, 我感到,回憶是甜味的.

回憶是苦味

曾經有商業學系學生在第一課堂便在導修報告上向當年的MR MAN說,"其實讀數學,science真係冇乜用.因為生活上應用唔到.文學同歷史更加冇用." (MR MAN曾教文學及電影)事實上,面對香港的單一化的經濟核心價值,後生仔女說出這樣的話我不感到驚奇.

MR MAN的回應是對著這寸寸貢的學生說,你讀的人力資源科就真的有用嗎?(我想聽聽她的理解)
她回答說"當然有用,是商管科目,可以搵好工"
我問"好工是單用錢衡量還是職業發展?讀其他科目可否做hr?"
她疾一疾"不夠我們專業"
我再說"我好幾位讀文學,心理學出身的同學,沒有修過hr及工管.為何也可成為跨國公司的人力資源管理層?"
她當時語塞.我便借機講出最後一句
"有冇用有數個層次,其一你可能是井底蛙只看到一門知識的一小部份就下定論,其二是自己唔識點用就話冇用.係自己的無知. 你是這兩種還是其他?"

更聽過學生講"睇李安的推手睇到訓著覺,反而康熙來了就真的很過癮" 台灣及內地大學生也不會問上述如此低素質的問題,但在香港學生中卻是理所當然似的.香港教育出了問題是肯定的.

新一年新發展

臨近年尾, 各大合作伙伴臨們追"債". 是關又到流年內容催稿的時段,

近期到了各大網絡公司開會,算是有更多的發展空間,對上兩年真的太懶惰.有工唔願做,有命唔願睇,是不是人到中年的情緒病呢?"這樣下去不行的!"所以依排又增加戶外活動機會,拜訪各伙伴商討新計劃.
現時在cyberworld才較容易找到藍海,也有更多的機會及無限的空間,最重要是找對伙伴,便可做出1+1>2的效果.

本來想將本blog完全遷往yahoo.但想來也是多餘.兩線發展或會更好.

投資事宜:
比原定的反彈遲了一點,而且插水更是插得驚人,不過輪及正股的賺蝕可算是極大幸運地互相level了.現決定長線以盈富及a50為伍,其他大上大落事不再多問.

2009年五行屬土.其實內地樓市應可在09年有所起色,也配合物極必反的劇情發展

稍作提示,月飛星孖8吉星飛至正東方,兩星期後又會飛走,在此方放上6個閃亮金錢或錢弊,可合出68進財之能量.祝各位好運.

搬遷通知

MR MAN有好一排冇再寫blog.原因係忙於搬遷此blog交章到yahoo.
暫時仍未搬屋及裝修新blog完畢.
完成後再作通告.謝謝.

外遊啟示

各位朋友,

MR MAN將於28/7-08/08外遊,暫時未能提供命書審批工作及個人親手批算服務,欲選購出生日八字詳批命書可暫時到yahoo星相直接選購,親手批算服務則要延遲交付日期至三星期.

看過鋼琴戰曲,加上一年前聽過中大合唱團周年音樂會演唱舒特拉的名單的歌曲時, 已很想到德國及波蘭遊歷, 今次終於有此樣會. 開心.

大門直沖大窗的風水化解法

睇樓盤傳真, 見好多設計師或住戶都自制屏風去化解大門見窗所謂漏財風水之局. 其實風水就冇講過大門見窗會漏財.但在氣流上,也可以說有直出直入的感覺,故可以講係形派風水的看法.

好老實.Mr Man間屋都係大門對窗. 但我冇加屏風. 點解呢? 因為我唔鐘意加舊野阻住我. 我係信晒依家果d 簡約主義風格及Less is more既設計. 咁點化解呢? 其實極簡單.

門的氣流由開門一刻走出所謂的大窗,其實有兩點位置是守財的五行風水位,用一幅floor plan俾大家參考.兩點守財位就係大窗既兩個最盡既角,只要係依兩點各放一盤植物,便會產生植物吸氣及將財氣聚於屋內的力量,邊類植物好?其實水/泥種都得.水種易打理我就最推介,另外亦可各放一個開蓋的木葫蘆吸氣, 當然, 以下圖為例. 講緊既係general concept唔係根據屋主八字而定出既風水局.

但如果你要設計新屋又唔想整個屏風既話.基本上只係俾百幾蚊就已可以攪掂依家最流行既漏財風水問題.

單睇上面幅最常見新起樓宇floor plan. 已有大把風水問題. 日後有時間再講.

政府的派糖行為

Mr Man不是自由經濟學派,大學本科到研究院所修的學科更是歐美左派理論為主.
物價上升,通漲重臨,其實是經濟周期的現像, 但香港市民是否真正困苦?我答得有點猶豫.
國家領導人訪問半島豪庭,戶主竟擔心雞蛋價格升了很多,眼見他們衣及住都是所謂的中產質素,但關心的卻是雞蛋價錢.領導人聽在耳裡,不知會否問"唔係化,你地港人人工咁高住得算豪都咁擔心,我國內農民大鑊過你地百倍喎,你地唔係真係得個殼下話!"
其實擔心物價係正常,但點解唔擔心下大學學費或書薄費上升呢!可見香港人受本地傳媒影響極大!真的人講佢又講.

今天看新聞片, 公屋居民認為政府再派糖仍派得不夠多, 電費派足3600蚊, 新聞報導員說"電費對此家庭就最有用,因為bb依家開晒風扇都熱到滿頭大汗,夜晚一定要開冷氣佢先肯訓,太熱佢就會扭計"(點解我細個果時無冷氣都照訓得著?!點解依家個bb咁有自我意識要噗冷氣先肯訓?佢扭計你就乜都俾佢.佢要架法拉利先肯訓咁點算?)
環保團體已講左幾百次,唔好開咁多冷氣,以前小學中學課室邊有冷氣!依家間間都有.小朋友夏天番學著件長袖冷衫,係唔係有冷氣會幫到學生專心d整體成績又好左?公開試成績又唔係突飛猛進wor!學生刻苦中求進步,其實係好事.天將降大任於斯人,必先勞其筋骨,苦其心志,餓其體膚,點解依家青年人擔唔到大旗?知道原因啦.

其次,公屋女戶主又插.書薄費個大仔受惠唔到.點解呢?一係冇申請.一係家庭入息超標.咁仲有乜好嘈呢?!

第三,冇錢.入息不足,但生2個小朋友. (MR MAN!生育係人既自由.冇錢唔俾生牙?我窮係社會同政府既錯,總之我點都要生.有乜事政府都要資助我地.因為依d係人既基本權利)問題出左係第幾個step呢?!

看別人看風水有感

見到facebook內友人家中"有人"在睇風水的照片.只見女子拿起羅庚,然後劃出井字九宮飛星圖.原來真係拎起羅庚就係師傅!再仔細睇相.冇間尺冇量角器地屠手劃floor plan,用肉眼斷估房間大小,劃出一個不規則的平面圖,然後連飛星尺都冇就開始斷事講"瘋水".還記得數月前到一家廠商office看風水,為其擇日開張,我亦將結合了飛星,24山,玄空卦及奇門的3張風水圖則給予對方存檔.一名公司員工便問"乜要劃咁多圖既,我用開個師傅黎到屋企就咁up架炸喎" 心中答案"咪係law,咪解釋左你點解係員工唔係老闆law!"

如果單憑一般的八宅及主流的飛星數就可完成風水.那可以肯定告訴你.到三聯或商務打一至兩日書釘,你便能成為風水大師判人生死,再到明星師傅處練習說話技巧便又成一代宗師.

如果你看過家居/office風水,看一看師傅的批圖,好歹也應該有一幅合比例的floor plan,起碼也有8卦的九宮飛星圖重叠於圖上,那些將要放上的風水物,每一類別也會擇日放上,而不是叫你買完就是但得閒放.這只是初級師傅的水平.如果少以上是但一樣.即係晒錢.

其他再高層次的,會給你大門拉卦線納旺氣進屋內,老闆房的書卓卦線測量,還會有八字風水,更會用上特定技法擇日及找尋吉門吉位吉角度,圖則上更會出現24分格,而不是8格.再進深一步還會出現木星及土星等符號.還有其他數理或64卦的運用等......

以上皆是術數中"數"的幾個層次,當然還有術的層次,各家各派更有不同道行力量.

風水星相網站再進一步 2008-05-10 17:28

各位朋友可能已發現Destiny Garden的廣告在"飲食男女"刊出,目的是希望得到更加不同讀者瀏覽及選用本網站的服務,今年除推出各類型電子命書及人手批算服務外,亦會在短期內加設度身訂造的結界風水陣服務,以簡單及直接提升運勢及個人氣場的方式,達至重點式改運的效果,請密切留意

各方好友如有任何建議,請電郵給MR MAN.希望由此優化我們的服務及風水星相內容

另要大力感謝中大的Jorden抽出寶貴時間開發香港人所寫的八字程式,在此程式內大家可找到自己的五行屬性.遲點時間MR MAN會多教大家一點五行八字知識,好讓大家變成半個師傅了解自己.請click進
http://www.destinygarden.com/big5/get_eight_board.php 多多支持

另外亦感謝澳洲的Johnny再一次為網站加入新圖片.令本站變得更有系統.

謝謝

投注站賭錢風水秘笈

首先,我唔鼓勵各位朋友賭博, 講機會率講數學十賭十騙冇死錯人, 所以只係小賭怡情好啦. 家父買波, 連有線或now都唔睇, 唔識邊個球星打邊個, 只係憑感覺一千幾百咁亂買, 計數上好攪笑, 但佢開心咪算數law.

點解賭波唔睇波? 因為佢係Liverpool既die hard fans, 佢仲停留係艾德烈治, 魯殊, 比士利, 班尼斯, 高巴拿果個年代, 佢覺得依隊波係無敵, 所以每次有利物浦既賽事, 佢就買win或入球數。 咁買法侯利亞做領隊果時輸錢十居其九, 依家算好番d。

其實今次唔可以話係咩風水秘術, 但出面師傅一定點都收你一千幾百甚至幾萬先講你知,好似好勁既野. 但我就講依一千幾百既部份, 另外果d講都唔會明.

投注前,唔該各位朋友睇睇自己個氣色,粉粉紅紅白白光光黃黃先好搏,唔係又係晒氣晒時間晒錢我仲晒埋口水.

講下到馬會投注要留意既小tips:
(如要引用請列出轉載自www.destinygarden.com 請尊重知識產權)
1. 選址:
a.投注站必先有兩度門出入
b.門外有斜路幫馬會漏財
c.建於地面的投注站

2. 投注時間
a.生於春夏選下午3時後投注,
b.生於秋冬下午3時前投注

3. 進入投注站方位
以你面對投注counter計算,選用你自己右方的門進入,投注完成後由另一度門離開。

4. 投注counter
先選用神號碼,
春夏出生選8、6、1尾數counter
秋冬出生選9、4、3尾數counter

5. 投注日
宜選多part-time員工的旺期
巡回行一次各個counter的服務員樣貌,
下亭細小及兩面頰尖削配大鼻加鼻孔外露 或
額色、面色及耳色灰暗 或
眼睛大而無神 或
你一睇就覺得佢樣衰無運行兼陀衰家就o岩架啦

我自己試過一次,亦係人生唯一一次既買波,之後冇再買. 算係有成績, 但講明自己個運係配合先發揮到終極function. 當年一場皇馬對愛斯賓奴, 我買皇馬比數5比2, 賠率係8定17倍(4年幾前真係唔記得), 投注$100, 皇馬上半場先嬴3比0, 下半場俾人追1球變3比1, 餘下15分鐘, 皇馬再入一粒變4比1,最後10分鐘愛斯賓奴又入一粒, 當時我呆左, 點知真係最後2分鐘朗拿度入多粒. 我即時彈起叫左出黎 “Yeah!!”

其他重點.要夾用神日時,又要命中偏財可用或行運,命中有依種capacity去裝到偏財先得(解釋左點解有人中幾次六合彩買馬唔駛睇都中,但有人研究幾百年都係輸錢多),否則只係十賭十輸,仲要用奇門選擇方向,還有其他複雜理論考慮,所以MR MAN十年都唔玩一次,買股票計數冇咁煩。

窗台床招惡運

近年睇家居風水,發覺極多家庭為了盡用室內僅餘的空間,而用上窗台床的香港獨有設計(睇完日本,台灣,新加坡既樓就知十成實用率係乜!) 不只是細細的書房建起仔仔囡囡的窗台床,有的連主人房也為了有一張queen 或king size bed也用上窗台床.

一生人有三分一時間會睡於床上的空間,所以風水上安床的日子,床頭方向是極重要的設計,對個人健康及運勢有很大影響,所以用多多錢去買張靚床褥我是大力支持的.
但窗台床，從風水的形家觀點而言,那有甚麼問題呢?

試想想一個窗台,那是一個"凌空無基座"(每個窗台下再無石屎或下層承托,即等同睡於崖壁之上)加"近距離橫樑壓頂陣式"(由於床身放於窗台,當人睡進去後將被窗天花近距離壓著,還有就是拉開窗簾後向外望時就是三四十樓高的空間,睡醒時看一看以為要掉下去似的,令人心神不定)的自製式煞局!

由於睡眠於無基座的空間,個人會感到生活及工作上將會愈來愈少依靠及貴人之助,亦會發展出只具外表卻欠基礎實力的運勢,常常感到自己在很多環境都是"危危乎!",以及事事遇到別人的制肘及約束；
健康方面亦會出現煩惱壓力大增,思想鑽牛角尖,頭痛骨痛或心血之疾；
睡進窗台空間的日主,感情上亦容易招至伴侶對你的不滿,甚至伴侶方面會更易出現外遇的情況

最好當然就是不要築起這個窗台床,這是最治本的方法,我建議大家如果家中有空間的話就應盡量避免. 而另一方法就是為睡床建立起穩定氣場及風水保護層的五行結界,將可改善情況,亦有助消除負性或阻隔陰性物質的侵擾,而且可以按不同情況加入催運的能量呢．

買錯樓？

明星師傅們"一致"認為, 買樓一定要買"丑山未向"座見山時西南方見水之樓宇, 原因係丑山未向的飛星格局是風水bb班初學者都理解的"到山到向"格局, 座星向星皆有8仔星飛臨,後有翠綠靚山而前有靚水.咁就為之正.

最明顯的是早年一吹再吹的深井樓,常常提到有名師傅大手買入單位.認為是風水屋.

可惜, 對比沙田,馬鞍山, 港島西,東,北...一大堆向東北,東,及非西南水的樓宇而言,西南見水的樓宇其實落後到冇朋友. 原因係一眾明星對一樣叫靈神,正神方向的錯誤理解.今時今日的明星師傅都係主要師承幾位風水師, 一些所著之書很多時都沒有提甚至是弄錯靈正神的解釋及方向應用. 上一代師傅教飛星教卦線應該冇問題,但靈正則錯漏百出.

外局佔風水其實50分,甚至更多, 而不是明星提倡的甚麼外巒頭30內局70,大家不妨用正常腦袋想想,買樓買地點買景觀為主, 你內籠整到靚靚但景觀及地理位置不佳,則賣價相比起有景靚地段而言只是下價樓. 外面有個大海加翠綠小島包圍,水流水口得宜,後有大靠山,點會只得30分咁少呢?!

有人會將深井的落後市況歸咎於割腳水，老實．依ｄ水點會攪到樓價差，紅磡，馬鞍山，港島大把割腳水，又唔見樓價插水！？主因其實係人錯佢又錯,錯完仲要大肆宣傳,media再申一腳加以支持,最後咪坐左係度,好彩土地供應不足,否則連升都未必有佢份呢.

已不約而同有幾位朋友告之,很多人喜歡買本60蚊既風水書就靠自己睇書既理解能力去選樓，
－書話open kitchen 會破財選女主人健康，所以就即時唔買果個單位！ (咁所有鬼佬應晒啦!我自己設計間屋時第一步正係拆櫥整open kitchen!因為依句野就怕既人超無知!)
－買新爐頭改地運 (早前已講過,唯一有用既係賣爐俾你果個)
.......etc.　

其實，只要巒頭靚，理氣好，再加自己命宮位冇座落於廁所或５黃病氣之位，咁就已經係風水好好既屋了．

4月5日 中大合唱團「聲音地圖」

極好睇好聽的中大表演活動,請各位多多支持.

聽音尋路　歌聲就是地圖
中大合唱團周年音樂會 - 聲音地圖

日期：二零零八年四月五日 （星期六）
時間：晚上八時
地點：香港大會堂音樂廳
票價：$50, 70, 90
三月五日起於城市電腦售票網公開發售
指揮：朱振威鋼琴伴奏:李巧靈 敲擊樂團:激樂團

中大合唱團將於周年音樂會《聲音地圖》，以10種語言演唱14部合唱精品！在朱振威指揮與李巧靈伴奏下，合唱團從香港都會出發到芬蘭極地，來回西非海岸與多瑙河畔。音樂會曲目既展現亞洲最新合唱風貌，也在客席敲擊樂團「激樂團」的伴奏下，以4首動感舞曲唱出躍動翻騰的異國音符。另外，合唱團也會送上歐美古典大師名作、法國電影歌曲以及英倫三島的經典民歌。一夜歌聲，帶你遊走不同文化，拉闊音樂視野。

觀後感想:
一次比一次進步, 指揮的身體動作更加豐富.
團員唱歌方面好好, 好多唱得算係幾投入, 而且係愈唱愈好, 但最上果行有個男仔排位唔好, 佢要成日伸個頭出黎睇指揮,原因係俾前面個男仔遮住,要執執位, 整體我覺得好好, 如可以再多d變化就更好. 不足既係仲有數量頗多既同學唱得好拘緊咁.未夠放.但整體我今次俾80分.如多一兩首係我熟識既歌我會俾更高分. 如上一次既舒特拉的名單.

離婚與衝突關係的數字

近期接到不同客人的電話, 都是與感情煩惱有關, 每次一聽到相關的指定內容, 我便即時估計"係唔係又係37、73、64、46或74、47數!",再看看來電顯示,總是走不掉此些數理組合。
朋友們,要留心你的電話最後4字是力量最大且影響命運結果的組合數。這組隨機抽出給你又或是你憑直覺而選出的數字,其實是配合你的命運劇情而由命運programme為你選出,這些常用的數字一方面反映出你的命運發展,同時由於是常用的關係,它們會發出影響命運的能量給你推波助瀾,你行運的自然再給你好能量,你行衰運的自然也給你添加負能量. 試過一位工作成就及財運不錯的生意人,正說著自己整體也很順利,一看他的手機號碼,omg,正是充滿著47 37 73的數字組合,我對他說"係唔係整體都覺得好鬼順,係衰一樣,就係感情衰到冇朋友",他的表情由事業上的意氣風發突然變成頹喪與黑面。
是不是換電話號碼就可以了事呢? 當然不能,換新號碼只發揮了風水上的後天提升功能,當初派給你的number仍是會應數的, 尤其是明顯的撞車,開刀,攻擊及爭拗(47 74 36 63 67 76),生cancer,重病 (25 95 59 52 29 92)及上述提及的離婚及感情沖突數. 故須要在風水設計上再做點功夫, 才可將問題化解.
大家不妨做一點點統計,看看身邊朋友的電話號碼或常用的身份證/職員證number最後四字或兩字有否上述數字.然後說出這些負能量數字組合的批語,對方可能會嚇一跳呢並對你說"係呀係呀.大師,點化解?"

如有興趣選購整體數字皆為吉數組合的靈動旺運電話號碼,可到以下連結查看:
靈動風水電話號碼銷售服務

3月20日的市場啟示:
本地及內地地產股於春天跌到冇朋友,原因是強木剋土的關係.但4月開始木氣漸退,夏天的火性五行主導,加上本年特有的一氣純清五行力量, 夏天地產股必然強勢, 起碼仲有4個月玩. 604, 2777, 16 仍是好選擇.
金融股則仍處於頹勢,內地金融股其實冇有怕. 但更高風險而又愛好玩formula的Mr Man,0.015買進了一點點中人籌的call輪7663. 逆向思維加跌至極低的long call(到期日為2009年11月). 加上本年後半年是金水主導之季. 對金融股有強化提升作用. 且看逆向思考結合五行分析的結果如何.

年青人都是這樣?

在一個歌唱比賽中看到這樣的情景:

比賽中途的一個表演環節, 由一位不知名的廿靚歲年青人表演, 我不明白他有何本領, 後來才聽說他是在其他好幾個不知名比賽中奪獎的"人"(恕我直言,他不配表演者或歌者的稱呼), 唱了兩首流行曲, 甩了無數次咀, 忘記了4次歌詞. 只是懂得一出來攪下氣氛, 唱歌水平比是次參賽者還差, 評判們感到無里頭到爆炸, 出得黎表演仲衰過大多參賽者?!

果位年青人!究竟知唔知何謂專業與投入呢? 人家邀請你來表演是睇得起你,甚至有傻仔仰慕你,如此重視你,你卻黎做馬騮戲,睇得出佢依種人係唔識咩叫敬業與尊重, 亦須要番學校重新學下"專業"或"尊重"的意義. 但佢勝在面皮厚唔知醜. 不斷叫聽眾拍手一齊唱(果然好專業咁轉移視線), 我見到佢真係好驚, 亦有年輕既聽眾係咁話佢唱得好聽.(唔係化,依個世界及盲目既?!又或者係聽眾太有禮貌唔想佢落唔到台,係好心既表現.但咁好心絕對會害左佢,如果有一日佢終於衰左或俾人x到冇朋友時,佢只識怨人地唔俾面,怨人冇俾機會佢,怨人怨天怨乜都好,總之唔關佢自己事.)又一次證明依個世界仲有好多人唔係講實力, 又或者係即使唔夠實力只要有識得攪下氣氛,外表嚇得下人就可以混過關.年青讀者!千祈唔好學佢呀!

MR MAN又要不厭其煩地quote多次黃sir名句
"依個世界唔應該係咁樣"!

Programmer的啟發

每一門學問也有其準確度, 這是一句廢話, 要如何應用及參考呢? 當然是將數門中西學問合參就最為恰當. 西方占星學對月亮,太陽及木星的分析於大市的升跌甚具參考價值, 反觀中國的五行及飛星數理運用則是焦點式的分析預測. 假設中西方學說都預示大市上升,而想買的股票又低pe高息率且增長勢頭大好.還有何要懼怕?

不過,當術數作公開性在電視上預測時,這是有問題的.因為有一種擁有最大能量的角色在控制世界,就係個天, 佢會俾你凡夫俗子預測所有走勢及發展仲要公開展示晒出黎? 衪不會讓你這樣做的, 你私下應用數人分享一件事,但當自己係神仙取代其programmer的位置,衪當然會出手干預.在衪而言只是改改程式的0和1的排序,所以.有乜野都係私底下賺錢算了. 不用出風頭. 保持冷靜, 賺多了錢記緊做多點善事. Programmer會記下功德. 說不定到大家遇上災害時會多一個機會. 讓你避過一劫.

還有一點,受人恩惠, 自己也要有所付出,不可只take不give.否則programmer自會幫你計數. 所以真的要多做點義工身體力行出錢出力做善事呢.

擇日之宜忌

新年前睇風水擇了多個開張,入伙,嫁娶日子給客人,但總有些客人打來查問為何所選日子中,通書上卻標示著不宜入伙,不宜開市等資料? 其實每次我真係想答,你不如自己查通書擇日算啦,你俾錢我擇就係買專業知識. 但人就係咁奇怪!

擇日學問有多門學派, 有完全只依據通書不理五行八字的,有玄空飛星的, 有奇門遁甲的, 也有夾晒所有學派於一身的. 但,我對不理主事人八字用神的擇日法是有所保留, 一個人忌金水, 卻選擇在最弱勢的秋冬季中的金水日開市結婚, 即使通書大大隻字寫明係吉日吉時,又點會好?
一個人選擇了沖夫妻宮的 宜嫁娶吉日 大攪喜事,又點會好?

還記得教過一班大專學生擇日的基本法則,他們一了解到用神及沖合理論後.就知道單靠通書是擇不到好日的. 最經典聽過的一個事件是, 親友說自己懂得看通勝, 所謂懂就是識字, 連吉神建除十二神也不懂. 就很大支野的以專家口吻教另一位親友擇吉時生bb, 真的笑大人個口.

簡單總結一下, 個人事件的擇日以用神日最好, 另外亦不可沖個人的日元,生肖及夫妻宮.否則也是多無甚功能.

2008新年快樂

新的一年,(其實已隔了成個月),先在此恭祝大家新年快樂, 身體健康!

來年Destiny Garden將會有新發展，我會推出獨自研發,結合天星力量及風水五行理論並適合所有人提升運勢的「旺運結界」風水陣，希望各位朋友支持。

新年前看了許多office及住宅風水, 很多單位本身都是玄空飛星「到山到向」的格局，即本身的理氣數已很好，再配合我為老闆或屋主的八字作精細的微調及催旺，就已是最順利的大富之勢，又是順勢易賺錢的一年呢，香港的經濟不會差的，樓市亦未到瘋狂地步，我們都很健康。

1月23日後的市後匯報

昨日下午提到的call輪普遍升幅40-75%,5仔如1582及1398工行9019 call輪,chiu 0:唔好多謝我,xbox一部唔該.但各位不要一追再追,拎左綵頭就算.
內地金融股跌到冇朋友,逆向思維又有多餘資金.是不錯的機會.
香港基調仍舊良好. 選股不選市.且以價值投資為要.買入本地藍色低pe高息甚至是reits也是很好的選擇.收租地產始終得8運主氣庇蔭.
地產仍會持續上升.08年上半年更甚.
上半年土剋水加春夏木火純氣皆不利航運交通.年中跌至慘不忍睹時pe又夠低殘可投資一點.
(但須留意的是,不同人看上面同一句說話,會因應個人運氣而選擇了不同的目標,但安全地以龍頭為首就錯不了.)

MR MAN研究及精製了一個風水陣式,有利提升個人的運勢,將會容後公佈.


聲明：本網誌並不構成任何投資買賣建議，讀者就閱讀後所作任何有關文中提及股份之買賣，一切後果，作者恕不負責。

經濟再思

代表經濟停滯及阻礙的水星逆轉至1月尾完結,之後係農曆新年大市休假,以香港基本因素而言,其實係冇事,但始終全球化的影響力(尤其是最邪惡黑街坊的美國)大大牽扯著掛勾的香港,一如早前所言,我會密切留意3988及939,己差不多了.如果我如公公婆婆般,買了長渣20年.就不再理會了.
基本上,再風險一點的理論,就是買入有11個月以上及股價跌至0.01x的大股call輪.待十個月後驗證我的看法吧.
任總說無資金流走,但分析師出報告又說流走了幾十億美金,但現在只是由高位下跌3-4成,是一個較凶狠的獲利回吐還是熊仔時期呢?!

還是找尋那些低pe而派高息的股票吧,雖然會有所反彈.但熊仔始終會來攪事.

聲明：本網誌並不構成任何投資買賣建議，讀者就閱讀後所作任何有關文中提及股份之買賣，一切後果，作者恕不負責。

一再重申經濟依舊的好

認叻一番,經濟冇問題,唔係單講玄學,加埋街坊智慧同經濟分析都係同一結果.

一早講左地產股(香港內地如是)長渣冇痛苦,自己認為依家仲係入得過,點解?香港個運真正靠自己發力只係幾年既事. 未來幾年仲係前景大好. 大大個8運預示晒好多發展資料出黎. 內地金融股逢低位吸納(幾時係低位?請自己睇技術分析,又或大家恐慌性拋售但個pe得十幾倍時) 如果你認同內地發展同香港7 8 90年代好相似的話.根本歷史已展示左好多類型既股票係長升長有. 仲要祖國係有大量消費人口, 唔同我地香港得果7百萬人(經濟一唔掂,想靠內需我地就死梗!)

中資金融股, 股票number分析, 宇宙最強天星數字係2628, 依個組合係靠投資同買賣土地搵大錢. 唔係單靠保險費, 之後係3988 939 1398 , 教大家睇, 3屬木 9屬火 8係未來十幾年既主氣土, 木生火火火又生土, 生生不息. 939本身亦係木火格局, 佢係最特別既內地銀行股, 一個8字都唔用. 但39本身係木火通明既相生組合, 而且9係8運之後既未來生氣. 所以睇得出建行係想拎盡40年既主氣及未來生氣,視野更遠. 至於1398, 1 屬水 3 屬木 9屬火 8屬土, 又係一個典型既相生number, 其實1498更好.但更定怕左廣東俗語14係實死既意思, 所以取音一生久發好過.但正正係咁亦都係一條相生的五行數. 至於邊隻好? 就到番財務分析既範疇, 現階段而言, 以明年一氣純清的流月及前半年五行而言,3988及939會有極強勢既發展. (直至2008年1月9日本人並未持有上述股票,點解?因為渣重貨係之前講既幾隻度,但今次提及的金融股,有一兩隻都係我依排既目標)

五行數理好,結合流年之力,再配合國勢, 香港及中國市場前景依舊的好.

聲明：本網誌並不構成任何投資買賣建議，讀者就閱讀後所作任何有關文中提及股份之買賣，一切後果，作者恕不負責。

考試作弊的出生季節特點及原因

曾經教書多年, 自己也讀書多年.

出貓是有相睇的, 一進試場, 眼神飄移, 唇薄, 頭髮及眉毛較疏, 下巴有痣及印堂有疤痕的, 都會較易做出出猫的膽大行為.

以前監考的時候.我最喜歡裝著望向窗外景色, 令有心人以為冇王管, 其實我正是盯著那塊帶有課室倒影的玻璃, 結果當然在我"望窗"數次後一一現形.

通常是西曆5 6 及11 12月出生的人.此四個月是極火及極水的季度,火代表了膽色,刺激及勇氣,而水則代表了變幻無常,情緒化及原則性弱. 這些元素都是令人極易犯險的因素.

風水秘技?

據聞有師傅話換左個爐頭間屋就會轉左做八運,真係好神奇既做法.神奇在朋友send來的各大forum如she.com或親子王國都有大量人相信而且"係唔係都買個爐轉左運先!"

首先,換爐頭係冇用轉唔到運唔在講.其次係大家唔明白轉運既功能,首先最重要係你間屋係幾運既樓,根據建築及室內裝修計算,(依個部份 行內已存在極大爭議,有風水家認為幢樓幾時起就係幾運樓成世冇得轉,亦有人認為單幢洋房即係house打開個天頂再整過晒或起過先改到運,以致主流方案是房內動土起地板換大門可改成新運樓,前三者大量動土也有所爭議其可變性,你走去買個爐頭就轉運,真係虧位promotor想得出.又或是為求方便亂吹轉運法,又或是又吹到自己係轉運宗師!世上怪事何其多!)

一般識風水既朋友,就會知道量度座向是要定出屋內的理氣格局,亦即主流常用的九宮飛星,如得出吉利既九宮飛星數如"到山到向"格局(即係8仔星飛到前後座向應當存在的位置),咁間屋就已經係正野.

但問題係你既飛星數要適用先得, 最重要知道究竟有冇須要轉運換地氣. 例如本來以7運樓飛出來的吉星係飛到你睡房同大門. 根本係正野唔駛改運. 點知一d人唔知頭唔知路就跟風"想"轉運,玩下手可能8運樓就變左5黃及2黑病星飛左去大門同睡房.好彩爐頭改唔到運jer.唔係就大件事.

衰開有條路

生意人阿戊, 做貿易買賣, 點知上面partner犯法連帶自己都有問題, 一貫的有證有據關連九族,北面友人提醒, 依排千萬不要番上黎, 阿戊開頭幾聽話, 但基本上已連上黑仔運氣, 物以類聚黑開既野自然會聚埋一齊, 以為避過左, 點知隔左一排, 家中有喪事, 去完喪禮後接到內地生意人電話叫番上去傾, 突然唔記得晒之前單野, 隻身傻下傻下過關, 於是俾關員合法拿下, 本來俾錢交補證金百幾萬就可了事, 查明真相自可平安, 點知身邊人懶醒加多口唔生性講多幾句野, 得罪北大人, 又要俾多幾十個, 點解事件發展成咁? 因為運氣差開有條路. 配合劇情發展而已
正常而言, 八字早有顯示流年不利, 犯官非破大財,最多俾十幾廿萬攪攪精心風水局自可提升運勢盡力避凶,但既然係運, 又點會益你搵到人幫手, 自不然跟劇情走入死胡同, 再係自己好黑既時侯去一個不得不去既喪禮吸盡陰氣, 好自然地將劇情推上climax,神推鬼趕咁自投羅網, 之後又有親人講錯野踩多一腳, 可謂衰開有條路黑到盡晒,本來以為死梗,但天無絕人之路得貴人通關營救,財可通神,結果破財擋災幾百個.
事後得知事件發展,救不得.點解?因為個劇情係要令主角黑落去,就唔會令佢一開始就搵到我,即使搵人攪風水反而極大機會搵左個假師傳扮高人再亂整間屋,一定會再配合故事發展,個c苦自不然盲摸摸地係凶位加強力量,之後又係照舊應番條凶數,當你以為愈係避緊同遠離個黑洞,其實係愈直接咁加速跑緊入去.簡單而言,好oedipus. 所以大家仲係度睇緊我既blog.就證明你仲好有運,仲會識得化解下或有個人係度同你講下醒世故事.