新年異像

如果我2000年或十幾歲開始掌握一種預測賭馬賭錢賭乜賭物術而又中到幾百個. 我係唔係應該係依九年中係咁用依種方法係依十年去賭多幾百個或幾千個返黎呢?!

而唔係2010年無端端又記招又傳媒又玩神秘互"插/讚"大家學左個秘術執左幾百個分錢不公呢!而結果卻係最後於新年依個檔期大上電視各大傳媒呢?!我最想知點解依十年唔用秘術去賺番幾千個而要係依段時間追討番果一百幾十!

我會唔會太過批判,問依d看似無里頭卻覺得係一個局既問題呢!

算啦.結果都係marketing.唔好飲既水包裝完多人買.好飲既唔包裝唔喜歡包裝既就黎黎去去識貨既人去買.只係我睇得太多驚天大陰謀卦!

至於大陸既博士名稱.好老實.我太認識學術機構啦,因為我係phil programme既時間都有4年,本地大學工作加加埋埋都十年啦. 基本上我只會認為本地或英美排名前十既大學既phd先叫有少少保證.其他好多一律得啖笑.因為進入phil programme 既過程唔會兒戲,當然亦偶有把關失手收左連字都唔識既精神病學生,但排名高既大學好少有依d case,至於大陸,頭五位先好出黎講野,其他既,只要上網search下.有得請論文輔助員,輔助港台同胞寫論文,美國都有好多賣張cert既學校,所以都係笑下算啦.

所以我硬係覺得係一個局. 世界本是如此.

改名與五行

根據MR MAN 2009年既統計. 好多人生BB,因為改名次數大升幾倍! 2009年尤其後半年,真係睇辭典多過睇雜誌!

台灣依期又新興一種9宮改名法,將名字數理配飛星黎玩.點解依家會興?因為筆劃數改名法已out,太多人"識","識"到好多家庭自己走去買本書就去改名,得唔得呢? 得(心理上而言)

事實上,改名涉及八字五行之判斷,筆劃數其實好次要,於我而言,我會直接告訴客戶其實筆劃數之理論有問題,因為一個字最重要係佢既本身五行,即木字屬木,而唔係筆劃數中4劃所屬的火,水竟然唔係屬水,而係屬木!(筆劃數以一個字劃數總和尾數計算,12屬木34屬火56屬土78屬金90屬水,係死數黎) 我作為讀過下書既人就會質疑,文字由古至今不斷演變,筆劃亦會隨時代而改變,那一個字的五行從唐朝至今已有所增刪或變異,甚至書法之不同也有所增減,那這個字豈不是本質五行不斷變化嗎??

因此,筆劃之說只係一個形式(form)俾人容易去跟,但實效是存疑的. 但我改名要唔要考慮筆劃?我一樣會做,因為太多客戶受媒體市場所影響,認為筆劃數凶的話心理上不好過,所以最後還是要改一組從意義,筆劃數,到讀音,字義五行,字與字五行排序,字形以至卦理皆為吉數之名字.改一個客戶十幾個名常常便用上一星期研究,配合出來是否有詩意,又能否與客戶要求配合,還要考慮用此名字人數的多少,太多人用的名字也欠了獨特性.再進一步就是名字之外觀美感,字與字之間能否產生具詩意及正面的人生意義, 甚至預示BB未來的光明前景,名字結合起來可以講一個故事俾人知就更加好.名既典故,當中包含可與家族相關既故仔.第日都有得解下人知.

我就見過很多新手拿起台灣姓名學書本便即時師傅上身充當姓名學專家,改好一個名字後解說得似模似樣以為是大師風範,結果一看便知錯漏百出, 不找辭典辭源看就用上一些意像不好的字, 而自己卻將個人的理解大sell特sell此字眼, 結果是"累街坊"! 大家可有想過為何姓名學是由台灣傳回香港嗎?你去看改名書一欄.絕多數也是台灣書本,為甚麼呢?其一而我又認同的講法是當年日本來唐朝取經作文化交流,官員將次等甚至虛法送往日本好讓其得不到正確的理論程式,結果筆劃數之說一直在日本流存,及至台灣成為日本殖民地,筆劃之說扎根台灣,竟然成了姓名學的"正純理論"!!!世事真神奇!!!現在大家所看到的姓名學書本,如果真的那麼易來根據五行改名,就人人都可以去三中商買3本書回來大跟特跟改好名了!

另外.Mr Man更統計出一樣野, 就係所有改名客戶都係在remark中提出類似內容:想佢個B仔B女第日開開心心生活,活得自在,可以自己堅毅咁解決問題,健康快樂.做一個正直既人. 你睇佢地幾有修養, 好多時我一睇依類remark真係好感動,亦預示左此b仔b女有個格調高尚的家庭,有時候開八字一看,沒有擇時辰開刀的竟然7歲起順運60年,天干地支皆配合出全吉數!(好多時總之天干不利或一兩隻地支帶凶數) 而且係幾個唔同客戶都係咁, 又一次印證良好的家庭素質及教育,是孩童成功的最重要關鍵.

真係物以類聚架,我只會聚到有修養既改名客戶同長期讀者,好開心呢!

2009回顧展

今年是極Happy的一年,各項工作正面發展,學術地位也有所提升.客戶有讚冇彈,都真係好開心.健健康康快快樂樂.感謝大自然,多謝Gaia,多謝善良的人的正能量.多謝"阿凡達"令人反思經濟發展與自然的對立,令人反思做人,更可說De左極端既人本主義.睇完一刻令我憎恨自己作為人類身份果下犀利.

剛剛看tvb j2台,主持人竟然講虎年已到,我相信睇得我blog既稀有讀者都知, 立春日指定時間後才是虎年之始, 仲未到虎年呢.

2009年做了多項新工作, 認識了更多不同行業的客戶, 很高興呢.

最重要一項突破是在極緊急及短促的時間內設計了一間位於Sydney的apartment的風水,根本冇時間飛過去做依單野. 結果用上偉大發明google map的平面衛星圖及屋主寄來外在景觀相片將他的感情問題解決了.恭喜佢. 今時今日做風水單看羅庚真係唔多可靠,要用衛星圖先確定自然座向, 再比對室內量度的方位, 才可作最終結論, 如果只得兩者選一者, 事實上我更信前者, 已多次發現用不同地區出品的羅庚於同一地方量度,受磁影響不同下度數有明顯的偏差.

客戶講出正確住址後,google一search即時顯示出來,最經典是此大廈外型不是正方或長方型建築,而是部份不規則,難度更高, 幸好內局都算"猛車邊"叫四正, 計出吉星及救命星及連動情感線位置無阻礙物. 甚至要移動之傢俱及睡房更可調動. 做得多風水,有時我都不禁問,整定救得到架?!咁順既?!



講回今年得意之作,屋主因突發感情問題,誤會,幾十百樣前因...etc一次過引爆而愛人出走,睇睇八字,睇睇間屋.Confirm救得到.而且好似ER咁要把握急救時間.極速計算極速搜集用具再fedex極速運抵澳洲.你話古時或80年代冇internet點做得切?!搜集期間,一步步guide住屋主點做,調房,換床頭向,引動力量位及步驟逐一解說. 用具未到先做其他急救工作. 用具到後按擇日時間放上. (真係整定架喎,擇日有時成2個月都唔夾,今次1星期內就出現!!我當時於計算期間都大笑左出聲!!)

講下間屋,讀者睇開本blog就知咩叫火燒心,廚房居中.易攪.唔係影響關鍵.
先做飛星配數,24山,五行分析,夾八字.搵力量引動位. 依d case單用大家係電視見到既九宮飛星係救唔到.上電視上都市閒情果d大家笑下算啦. 因為引動位只係24格內其中2格仔內既小小位置. 放唔中就係唔中. 仲要考慮外在景觀與此格仔關係. 再化解負性力量格. 極有趣地間屋多左個門口, 咁巧合開出個救生門黎, 引動愛情力量入屋有此門.做少好多功夫. 攪掂幅圖後. (依幅唔係final version,秘技不會公開不會教授,坊間你見親十居其九係九格圖.就算真係見24格都未必真係識用.祝你好運.) 再email屋主. 著對方搬房, 搬家具,停用其中一間洗手間(Modern building就係中國人家庭十大武器之首既元凶,古人永遠將茅廁放屋外自有其原因,今時今日又病又盛好多時係廁所出事!),家人又配合佢肯幫手唔用果下夠團結!! 再俾些微心靈動力同勇氣佢. 額外送多一樣浪漫技巧. 內局完成等最少12日換氣.

等既期間,屋主負能量極大mail爆MR MAN email, 原來愛人離家出國以為佢唔返黎. 老實.救唔到退款事少,拆招牌事大. 去左第二個洲唔返黎喎!點得呀.但我心理質素良好冇理佢. 因為計過先出手. time and space夾得到又有物件幫手連動. 愛人重新心繫屋主, 結果由爆煲日起四星期後完成任務. 愛人自動返回身邊浪漫浪漫. File closed皆大歡喜. 大家開開心心過新年.

今年基本上順利非常,只是自己還有懶惰本質尚欠教授的2萬文字. 教授追殺中.救不了的竟是自己!Happy New Year.

名過於實

依排回憶往昔一番, 發現生命中出現過不少名大於實的事件.

先分享下飲飲食食, 甚麼名人飯堂, 米芝蓮3星, 人生必吃餐廳, 有時要你撞手神先食到好野或真正好質素之食物. 屋企附近的餐館仔反而水平最穩定, 最少出錯, 最少呃你! 睇食評睇電視個個"食家演員"唔誇張點會有戲劇效果? 鏡頭唔zoom in影到"好似"好好食我點會繼續睇? 就咁一句好食audience嫌太行, 係咁加形容詞加刁轉描述,乜野感覺綿軟細密,甜滑細膩層次豐富,觀眾先覺得同平時食開既唔同.

老實.十居其八咪又係果幾味. 另外兩成實係加少少當新野,一係加百年老鋪歷史,一係加所謂繁複製作流程.總之都係幫自己建立個與別不同既定位. 去左一間知名術數名家點名既食店食蒸魚, 嘩, 咁既.冇乜特別. 其實魚味都有個好味既maximum位.唔會好味到變左炸子雞味架嘛.所以基本上係錯誤期望黎. 最有趣係其他5,6個菜都煮得奇差, 日常街坊飯堂反而更見出色及水準穩定. 名大於實事例一.

後講下專業工作, 工作關係認識一位名校畢業本地大學工作會計師, 請教問題數樣,回答話好容易一個下午就攪掂, 他著我請他吃一頓飯. 冇問題啦,應份啦.飲飽食醉. 交帶會計工作. 結果係做又做錯,仲要真係唔識做(咁都得?).之後俾另一同業質問到佢口啞啞.咁甩頭甩骨既?! MR MAN都信錯名牌, 但話晒知名學府又係拎牌既專業工作.好少會咁衰下話.點知原來真係有不學無術既人咁arm合格拎到牌搵到位就有得做. 一句講晒"好運!" 結果交由中學同學一睇.又係恥笑一輪,之後1小時完成工作.開心痛快飲飲食食答謝啦. 內容詳盡格式整齊條理分明, 官府冇問題稱心滿意. 結果發現都係識於微時既朋友最好最真心. 名大於實事例二.

MR MAN無名無人認識,我玩極都只會實大於名,

追求快樂

香港人快樂指數低過委內瑞拉及菲律賓等較窮國家已不是新鮮事.即是說家中的Mom很多時候比那月入只得4千圓的隨從Marian不快樂!你說怪不怪?
香港人的快樂指數與恆指及中原地產指數走勢同步亦見怪不怪.
近年興起的港女港男爭執也與薪金及溝通力有關.
港女愛名牌港男愛靚女但同樣互斥大家文化素質低.

文化修養不是即食的東東,卻是從藝文生活中培養出來.結果他們都買不到也培養不來.
到客戶的家中做設計工作,她們的生活都很樸素,卻最愛書本及油畫,有的更是攝影發燒友,家中放滿自己的作品.有的如無工作需要更不買汽車愛搭叮叮,你可能會說"就是啦,她們已家財萬貫,不用為生活憂愁". 事實卻是,她們生活上是"應駛則駛",保持著心靈與物質平衡的生活態度.街上碰面時總掛著自然的笑容.
物以類聚,相同性格或合得來的自然聚在一起.一起分享快樂.

大學見聞

到一所大學辦點事, 坐著等侯友人,
附近的一個取學生證櫃台發生這件大事:
一名穿red wing背著大burberry斜袋的啡髮潮童走往窗口說:"換學生證" (冇唔該,冇尾音,指令式語言)
負責的student helper(以下簡稱sh)一呆 "請問你是undergrad還是postgrad?"
潮童咀miumiu唔識英文咁款反問"咩話?"
sh有禮地再問:"請問你是undergrad還是postgrad?"
潮童輕佻回答:"under"
sh保持笑容將一份文件及學生證交到那位低能兒面前, 低能兒用警察問話方式發問: "依張乜黎?"
sh:"用黎俾你報宿舍"
潮童聽後一手拎走頭也不回離開了, 此時sh回歸正常人狀態,我看著其口型"xxxx,唔知咩叫禮貌,未見過freshmen咁XX"然後回頭跟其他sh繼續X潮童.
我"哈哈"的大笑出來,我支持這位sh的真面目,如果他當眾教訓那位新生,我會大聲吶喊支持做啦啦隊員.

毒世界

電影門徒解釋了一些吸毒的原因. 因為大家都迷失左. 城市出現. 離棄人與人關係密切的鄉間生活. 大家都很alienated.與自己的生產疏離, 與自己的親人疏離, 與感情疏離.
迷失了的年青人. 遇著亂講人權, 亂講自由, 抽水亂up搏上鏡之"評論完", 迷失的家長一齊大合唱反對強制驗毒.
常說新加坡青年在高壓家長式統治下欠創意, 老實說, 人家民風純樸得多. 年青人健康得多. 香港的年青一代創意創見不見得出眾, 但卻很喜歡在學校high野. 家長還想談自由保家醜反對德政. 放縱及"寵幸"你們的子女high飽吧. 因果.
現在的社會. 濫用自由. 我有high野的人權,你不可隨便驗我. "我"的ego大得蓋過良知. 瘋狂!
我建議學馬來西亞及新加坡. 學校吸毒要打藤. 為他們留下成長的印記. 明星們吸毒多打三藤,擺明唔公平,做明星做idol咁犀利丫拿. 瘋魔萬千歌影迷丫拿,唔搵你祭旗搵邊個?

笑話兩則

笑話(一)
明報內容:
a. "陳振聰代表律師陳景生早上質疑司徒法正所提交的風水專家報告，部分內容抄襲一個台灣宗教網頁，而且錯漏百出，甚至連網頁的錯別字，司徒法正也原文照搬。司徒法正承認有抄襲，例如引述《鬼谷子無字天書》時，他寫成五穀的「穀」，但他認為，在風水界中，只抄襲自己認為內容正確，錯別字也可以接受。"

b. "陳振聰一方的風水專家證人余若愚，來自加拿大。他表示，陳振聰家傳的風水書「天圖佈局」，部分內容像民間邪術，相當恐佈。法官問及余若愚的風水知識來源時，他表示，9成屬自學。法官即表示，不用再作供。"

a. 得淡笑. 左抄右抄集天下大成. 錯字都抄連edit proofread都唔做!在風水界中可接受抄黎抄去錯字都抄?專家報告?!
b. 9成自學!點分好?9年自己睇書1年跟師傅?像民間邪術?唔識就叫邪術,覺得恐怖,識既就覺得冇乜野,傳統宗教儀式?! Discourse.

笑話(二)
電影 -- 殺人犯
我對Aaron的演技有進步/做得咁投入而拍手致敬. 但有幾個位真係誇得滯. 精神狀態變得太快. 尤其係"突然大叫泰哥起身"(現場觀眾反應同時叫出"痴線",果然準確描述演出中的Aaron) "拎住把刀係咁發下發下叫d家人唔好離開屋企"(我見到個家人咁真係打999,仲會聽佢話?!)

老實,如果單睇文字劇本,我相信係十分正,有創意,奇情,精神壓抑,懸疑. 但...一變成真實影像就變成笑片一套,尤其係最後30分鐘得知咩不衰老症開始,開始想死.我.

又安排id精英個細路兩把聲.多此一舉. 細路一路解謎,現場一路有笑聲罵聲. 我冇乜反應.但我理解佢地既心情. 由於唔再係文字劇本. 一變成影像.選角演技做唔到.就即刻變成大笑話. 我情願殺人犯係aaron老婆/何超儀好過!

作為香港觀眾既一員,我接受唔到無端端有個警司全程對下屬講普通話,而下屬回以廣東話!

突發式恐怖點做得好,鑽孔,泰哥咁高撻落黎成身血仲要唔知為乜係都要企番起身之後拗爆腳,廢屋個女角貞子式爬爬再見兩口釘係眼之後一野俾車車死(咁似scary movie果類情節既!)高潮有晒.之後編個細路反高潮.敗筆(再講一次.文字劇本應該非常好睇,係變成影像後唔得!) C+偵探既aaron反而更出色,劇情更吸引,更好睇.

永遠做不完的工作

批命... 我相信成世做不完
風水... 完成後又來,愛情的, 財運的, 事業的, 商業人...學界人...友人
改名... 數個重要客戶友人後暫可休息
3 smartone people中移動...月月做日日做永不休止
有時侯會明白為何香港人那麼愛賭博, 那麼愛炒股票. 原因係一日發達就不用再做.
但每完成一次批命,風水,改名,成功感都會令我又再投入新工作.
對別人有正面的互動影響力和助力.甚至令友人重新振作,更勇敢面對前路.
這都是生活中的新動力.
朋友, 你靜下來想想. 你的工作能令你的生活注入新動力嗎?
多做點義工,多做點善事,生活中永遠也有新動力.

風水之意義

佛家講求"四大皆空", 那四大? 是我向朋友常問的問題. 有的戲言答粥粉麵飯, 有的答眼耳口鼻, 有的答.....其實答乜都得, 因為重點在於"空", 當然model answer係指"地水火風"四元素, 這很有趣, 與歐洲古時相信宇宙係由"土水火風"組成極為相近.
四大皆空意思簡單而言即一切皆空. 當人進入了此境界, 已了無牽掛, 亦無須為得失而自製痛苦.

基於以上簡單的解說,我會問你"佛教駛唔駛睇風水呢?"
答案好明顯, "唔駛" 因為你係通過各種的領悟去達到空的層次, "世俗風水"追求的名利財氣根本就同佛教教義相背馳.
但點解我無端端寫篇咁既野呢? 原因係我見到依家既風水發展已真係"集萬家於一身",即係乜都有d. 見d師傅係咁講佛經,但又同時講追求名利既風水,其實真係好攪笑.

今日睇都市閒情本來我覺得都正常既師傅, 竟然講open kitchen唔好既主因係依度殺豬牛羊魚蝦蟹時會釋出怨氣飄出去影響宅主健康, 依d明顯係宗教理論. 而且重點係, open kitchen變 closed kitchen係唔係就唔會有怨氣呢? 根本唔係. 因為佛教就講明不殺生, 你關埋廚房變密室咁d怨氣咪聚晒係度? 一樣死! 食素啦咁.
open kitchen唯一唔好既係通風做得唔好既話, 會將油煙污染物留晒係屋內, 即係氣流及空氣質素, 所以open kitchen第一件"風水法器"唔係咩水晶球,銅尺,黑曜石.... 而係勁力西門子/富士皇抽油煙機加對流窗令室內通風!

風水講的是藏風聚氣,本身並不牽涉及宗教成份,不會叫你拜神燒香,亦唔會殺雞做法事, 也不會與宗教對立. 但咁多年發展下來, 唔同人自己加入左好多唔同既野入去. 例如道教加入左佢地自己既道術. 但加還加. 唔好攪到亂晒. 又將宗教教義放入去風水之中. 然後marketing自己一番提升身價.仲有好多講話用酸鹼度及磁場等科學方法搵靈體,但做既過程根本就錯漏百出笑死人. 唉...

更有趣既事係, 近日有朋友問我點樣可以學風水, 原因係見到有風水師可搵幾十億, 但依位朋友本身係唔信風水既, 咁先恐怖! 講到明唔信但一話搵錢就話要學, 仲問點樣可以呃到人. 死唔死??!! 有時睇下行家. 雖然話係不問出身, 但極多裝修工人, 的士司機 乜野行業都有. 就係欠左本來由讀書人出任司天監/欽天監(天文官)既讀書人. 其實最重要係師傅除左識風水外, 仲要係有修養及德行. 依兩樣都冇既話,做乜都死.

其實, 風水只會在用色, 數字, 物質, 方位, 座向, 選址上作出深入的考量, 根據每個人的體質在特定的空間及時間作出設計, 以達至平衡的良好結果. 係一種中國人的自然觀/宇宙觀.

意識流事件

大包圍戰術. 多點攻擊務求是但打中要害永不翻身.

製造輿論掘埋掘埋社會聲音支持自己正邪任你舞.

借用"常理"冇理由益你. 鉛筆冇鉛阿拉伯數字西班牙流感關印度美國事你以為在攪笑.

出動演員配合群情人生如戲. 世紀一戰原來身在其中.

世事玄之又玄. 首創橋段無人知曉茶都冇滴, 參與人物原來命運軌跡曾相逢, 結果...小角色憑溝通力得米.世界奇之又奇.大前研一是對的.

天人感應?!混沌理論?!

電話數字學與五行

友人send來一個頗熱門的電話號碼銷售網站.
一search, 63開首數的號碼賣3千幾蚊. 話知你後面靚數. 都唔值. 因為金木沖刀光血災, 首數不順難成好事.
再search, 十幾萬-三十幾萬既都有. 更加離奇, 竟然是67xxxx23, 話知你雙飛蝴蝶前後點對稱成雙成對,交劍殺再加鬥牛殺. 又爭拗又離婚又撞車. 買到都哭三聲.
結果睇左十幾頁,係得一兩個number係叫見得人(令唔識野既人都以為係好野)之餘.又合乎易卦數理原則.

相比之下. 我正是賣花讚花香,DestinyGarden有的都係好野. 唔好唔賣. 唔好我都唔會買番黎擺. 因為擺都眼怨. 真係好野既留俾有緣又行到運既人. 朋友們應該識選擇好野. 祝好運.

6804 8688

專旺財運投資運及提升工作運組合

6809 3889

事業財運及結婚生育喜慶旺運組合

6185 6288

事業財運及愛情人緣旺運組合

6809 6878

專旺正偏財運投資組合

多謝沈大輸

上篇文章出帖剛好一個月,多謝燈神給與mr man一個重要的訊息,借助其弱勢win了一個月的對賭勢頭.
牛一熊二之爭日日拗黎拋去, 多餘.
hsbc唔好供?專家之言?冇供者叫笨.
恆指必死? 就算又look番落去一萬, 點都安全過32000點買入.
明年又是突發性刺激事件的一年. 火力甚強. 石油房屋似乎有救之餘. 亦配合西方大印銀紙惡性通漲的前戲.
還是那句, 與a50,盈富基金安全為伍. 回想上年9月時的文章, 依舊正確. 收益早已不少.

燈與對賭

MR MAN 今日睇有線財經. 竟然見到恆指3萬點"財光"滿面的"沈大輸",近期又不斷叫大家put同睇淡既係面上面暗淡無光,仲要鼻頭生暗蒼, 如果夠膽拎佢黎做燈既話. 都可能回報唔少. 有時真係要睇多d電視各財經演員的氣色, 基本上可多一個重要參考指數.

YMCA誠徵義務補習班導師

香港基督教青年會長沙灣中心
YMCA of Hong Kong (Cheung Sha Wan Centre)

誠徵義務補習班導師

日期：13/3 – 12/6/09（逢星期一，四及五）可任選一日
時間：下午四點至六點
地點：港青長沙灣中心（九龍長沙灣l順寧道259-263號恆寧閣 一字樓）
服務對象：南亞裔小學生
任務：首一至個半小時爲功課輔導，協助學生檢查習作及解答學生疑難，後半小時需就個別科目設計溫習内容及提供練習予學生溫習，譲學生養成溫習的習慣（暫定星期二溫習數學，星期四溫習英文，星期五溫習中文）
形式：以小組形式進行補習，1名導師需照顧約5-6名學生，小組以學生就讀級別爲劃分準則
備註：個別日子將定爲語文學習日，首一小時爲功課輔導，後一小時爲語文活動
車馬費：一堂$30現金及$10餐飲現金代用卷
查詢：如有興趣，請電郵lawlapman@csw.ymcahk.org.hk / 致電27088995與小羅聯絡

名正言順為香港求籤

我係blog度講左二十萬次.(誇張) 為香港去卜卦既. 只會係大官或香港代表.

今日睇紅果日報對鄉議局主席大插特插. 話佢唔係民選代表, 唔係政府官員....所以名不正言不順. 我想講.前兩日先見依份報紙無端端幫香港民主/香港前途求籤,相比起劉生,依份報紙既正統身份肯定更加無厘頭或更應俾人質疑啦!

首先,我對紅果日報無偏見,我只係想用理論去講出占卦原則,大家好少見主流師傅(除左一兩個)用卜卦去為香港占前程. 點解? 正正係報紙要帶出既名正言順問題. 我又唔係香港代表,又唔係主要官員,本身唔具備同個天連線既身份.此為名不正!所以, 我一見有師傅話自己可以誠心為香港卜前程. 我就會恥笑佢. 普通一個冇乜讀過書既師傅. 口出狂言要代表香港人卜前程, 扮野及自大程度令人側目!平民師傅代香港卜卦之後目的係出書賣錢但話要打救有緣人. 我笑了.大家知乜事. 有時做人真係要critical一ddd.

講番劉皇發,其實理論上佢真係名正言順,追番history,以前由民政事務局局長負責,自從何志平出奇地準確求左下簽後,依隻鑊就由官府將"占卜權"交左俾鄉議局主席,大家知唔知咩叫真正香港人?我同好多讀者一樣都係祖父輩一係走難一係海外華僑黎到香港發展.真正果班香港人就係依家新界區既原居民,而鄉議局主席就係由各新界原居民組織推選出黎既大代表.血統上肯定係最為純種既香港代表啦!唔計依樣,又係政府授權佢去代表占卜.唔駛講點都好過報紙記者同扮野師傅啦. 所以,我唔明點解成班三流評論員會話劉皇發代表唔到香港!!

至於簽文,都唔駛太驚.因為上年咁既環境都求左支上簽,可想而知有時都唔可以作準.但任總講到有第二波海嘯黎緊,有晒準備,做晒防災措施,仲要唔似上年十月兵荒馬亂到世界末日咁款(以為間間廠公司都執).依舊策略,分段吸盈富a50.中移,中人壽,5仔都可一買.但長渣記住係指兩年或以上而唔係財演講既3至4個月.

玄學隨想一篇

一直有老師,朋友,客人,讀者各方友好都問我相同問題."1.你會唔會日日為自己批命,日日為前景批命,2.會唔會搵個一定要旺你自己既老婆先結婚,3.會唔會搵間屋要夾好耐先會住, 4.知道晒自己既前程唔會好悶咩? 5.批命多會唔會折福損壽?"

答案如下:
1.唔會. 因已知命運趨勢, 除非特別年份會死人, 否則9成半人生時間隨遇而安.

2.唔會. 問依條問題既朋友, 你係搵緊浪漫既愛情? 定係搵緊風水擺設呢?

3.會,我試過用3個月時間睇足一百個單位先決定.因為間屋與特定個體之間互動力太強,一定要夾.

4.就算知都唔會好悶, 你明知人生有起跌. 但起跌形式總有新玩法, 幾年一次股災,歷史不斷重覆,但每次都有新花樣黎令你唔會覺得有股災, 又次次都有人信"今次同以前唔同架啦". 所以永遠有新野出現. 應該好期待今次命運劇本有咩新花款先係.

5.唔會.除非本性向惡,導人向惡,我地預示人生起跌,同各行各業做預測工作一樣,如果我預示完就要扣我能量,咁財經演員應該被扣分數更多,加上成日見好叫好 見差叫差既所謂大話分析,照道理佢地應該扣分更多.但佢地仲係個個身光頸靚酒色財氣玩到殘都冇事.道理上冇理由會攪到我.

祝各位新年快樂! 身體健康!

中大 林冠傑 中醫師

相信在中文大學內, 只要到過中醫院看醫師的, 都會知道林冠傑醫師的名字.

當年我還在中大讀書的時候, 就時常找他調理因通宵捱夜而七勞八傷的身子, 那時試過面上皮膚突然有一個位置變啡,即時找醫師幫忙,結果順利美容成功.同學又試過滿面暗瘡看過西醫卻無計可施,結果又是找林醫師"執"數劑藥而變回美女. 大學內很多教授也是得到他悉心護理, 所以他新開的診所內掛滿來自不同大學學系的感謝狀及匾額,

曾有一次, 到他駐診的醫務所看病, 見到的除了學術界人士外, 還有許多商界名人, 曾看見一位相貌十分高貴的女士, 而且很臉熟, 原來是查史美倫.身旁還有一些香港興業的高層人物.

我又曾傻傻的介紹一些當空姐的友人看他, 結果是苦了林醫師, 因我的同學盡是七咀八舌說話極多的女生, 但林醫師仍耐心治療她們種種在航機上工作而引起的身體及脊骨,腳骨勞損問題, 結果都是經過他悉心的治療後,現在都比她們工作前更富活力及健康舒泰.

林冠傑醫師在新界大埔廣場1樓43室新開設了 晉傑中醫診所, 預約電話是2667 8116.
在此特地向他祝賀一番.

善用 利用 與 運用朋友

"電"友人在霉運的時候,常哭喪著臉找我問前程,即使對方仍有一份穩定的工作,我仍是完全免費且樂意提供意見. 對方還會稱兄道弟一番,結果是我給了指示,還本著朋友之道看完風水,然後我再請對方吃飯喝酒不知多少次.

好了,低潮過去,到了生活富足之境. 結果給我送來一份"我特意送給你的貴價禮物,小心點,那可是價值數仟圓的禮物", (我一聽到已極不好受: 1.對方友人可是該禮物的代理商,早已讓我得知那是值二三百圓的東西,其實只要是心意我是很高興接受的,即使不值一文,心意卻是無價. 2.最痛心是對方的擘大眼講大話言論!)

精彩浪接浪, 一個晚上, 12時打電話來說: "我剛剛睇左另一個師傅.收好貴架.佢話我間屋要放xxxxxx,我想問下你,唔放果樣而放其他得唔得,因為買唔到!"
另外, 他的跑車上有一條女子, 據他所言 "佢好霉, 想搵你批一批, 想用你yahoo $200蚊果個service,我咁friend介紹生意俾你,俾個discount黎得唔得"

我終於發火......地答了: "那幾樣東西其實可用xxxx代替,但你其實可以搵收左你錢既果位師傅問,唔須要夜媽媽打黎問我, 咁啦,你窮成咁連200蚊都要discount,我唔收錢,叫佢上老人院做一日義工,之後我親身幫佢睇啦."

自此,我對"朋友"又要重新定義一番!

其實每次得到可觀收穫時,也會有友人(s)說: "你分幾多俾我?!" "幾時請我食飯?!" "送套xx俾我啦,橫掂你搵到?"
老實講, 講得出以上對白既, 都或多或少反映左佢對朋友的理解以及與硬化塑料之間的高度相近性.
唉!套用重案組黃sir名句"依個世界唔應該係咁".

08 09年病氣意像

2008子鼠年,與火性五行對沖,水火之沖從小事看代表突發事件,情緒不穩及發燒炎症等小疾
從大病看代表突發之心臟病症及水險, 尤其是馬年或自坐午火或午火於八字出現又為用神之人, 今年必有不穩之狀,冬天尤甚。

2009己丑流年, 代表了皮膚及腸胃之疾, 09年在飲食方面須多加注意, 為慢性病之年, 羊年生人及八字中未土為用神者, 今年也是多事之年。

由於丑牛年是為金性五行的墓庫, 名中帶金及日元五行屬金之長者, 今年尤須留心健康, 入墓之年命元受損,夏天尤甚。