正能量

不經不覺竟然沒有寫blog多時.原因是忙忙忙.忙是好事,難得胡塗也是好事!

近日看到很多奇怪的香港現象, 年青學子說香港沒機會?? 還是物質社會太豐富令他們有無限憧憬事事有要求??
每個年代都有可悲可喜之事. 說2011比1970差. 很難說得過去.

70年代香港的社會福利制度,教育,醫療水平樣樣都冇依家咁高,仲貪污勁多唔公平英國殖民政府完全一言堂.社會有機會但都好多困苦情況.所以大家人情味亦濃, 所以那是一個"很須要"互相幫助的年代.

依家既香港, 唔會餓死人, 仲有綜援俾有須要既人士, 仲可以俾人濫用, 所以代表我地已進入極度飽暖既時代. 飽暖之後係乜? 很簡單. 就是追求quality of life. 所以依家香港人人有要求, 但就好多人對自己冇乜要求, 對他人要求要100分. 對自己就0.5分都收貨. 原因好多.人人有份造成今天的局面.

冇機會升職?信晒大前研一講M型社會? 咁又有bill gate楊致遠又有咁多網上新事物?? 你要多謝高錕教授!!!
網上世界就係最平最易接觸客戶群既地方. 駛鬼去ifc租office鬧人地產霸權咩?! (好多人連hegemony係乜都未知!人地原意根本係你不知不覺間被操控不自知,本身用黎寸美國文化,但用係香港就變成寸地產商)

老實.自由經濟就係個個想monopolize個市場. microsoft一樣係咁. 石油公司能源供應全部都係咁. 之後就靠個政府盡量平衡同調節下. 但依家既政治演員們下下講到香港好慘,香港唔掂,香港冇晒機會冇晒創意. 我真係極度唔同意. 起碼依班演員既表演就好有創意啦,係marketing既最佳示範!

年青人想創業,網上平台絕對仲有大把無限空間. 但8運講的是腳踏實地的買賣, 唔係炒賣. 所以每個年輕人都要耐心打好基礎先去衝. 網上世界成本咁平, 輸十次都係有限錢有限時間. 但年青學子就花時間去鬧政府鬧社會鬧富人.搵到理想果班年青學子一早係網上世畀一步一步向上攀高峰, 真的!例子你睇電視就知.yahoo拍賣十元八塊的文具小女孩月入數萬元.她說很開心可學懂如何管理客人及貨品.另一些年青人又開設自己的tabobao店做trading生意.有失敗有成功的.但起碼甘願冒此風險一試,總好過怨天怨地.這些建立的過程都著實花了不少時間.我很懷疑現在complain社會的一班年青人埋怨一年三年後. 除左參與政治演員行列還有何建樹?

(ps.年青人有理想有批評社會的心是很好的.但都留意下行為同內容.剛看newsline主持問剛大學畢業的年青人,又是那句被人洗腦的對白"我地畢業後好難買樓",主持:"一畢業就買樓好少地方可做到呢" 年青人:"日本學生一畢業都是想買樓的,那mr.man會問"為何要以日本人做標準?日本人真的做得到嗎?答案是做不到!但我想指出的是年青同學所quote的例子根本唔係答緊主持既問題呢!!依d就係香港既讀書人??)

講錢傷感情?那講講日本那邊.有錢也沒有用.quality of life是否真的一定要很多錢月薪才能擁有?還是人們已對平日行行公園,與家人擁抱一下傾談一小時,為朋友摺紙送上祝福的心意此等人生的核心價值有了扭曲的理解. 而只將開心快樂建基於完全的物質價值?
我在此很給力的祝福大家生活愉快, 一切仍舊很好!!:)

悼念

默哀

數字學再思

數字預測是迷信?
可以係, 亦可以唔係. 要睇理論基礎及統計驗證.
客戶給我一個他女朋友的電話數值. 請教我給點意見. 一來尾數是2925. 天呀!!!!! 冇一個係好野. 主要原因係2本屬病土. 除非拍住6字互生互助即26利財, 但配個9埋黎, 即火生病土2仔. 後面再黎多個25, 2黑同5黃病星又合埋黎加強力量. 即係4個數值3個屬土再一個火黎生旺依堆負性土. 死未?
依d case好易斷證. 就咁係電話講"佢有病.內臟.水性部位".
客戶"...你點知呢?"
我"腎/膀胱/ 腦/ 耳出事 我斷係腎"
客戶"點睇既呢?"
我內心(好易睇.唔教你!haha,但結果都係開故) "3土一火生. 土極旺而且唔係當運旺運數值或配數. 你話係28 68 26尾數都話有得救, 但佢係隨機派來此number. 冇一個字係靚, 亦冇任何特定功能(例如用66 或 11 加強貿易交易又或者用17 78打劫之數提升投資運) 3病土結果係剋水, 女性而言最忌此數. 而水性部份就係頭先講既幾個. 剋得咁應. 腎出事最大機會."
客戶"係呀. 佢個腎有事!"

冇法子, 已同佢命格本身互動左, 改number, 風水, 改用色...etc都係後天改進生命提升五行的方法.
命理有部份人士加入騙術或神怪成份. 污染學說及術數. 冇法子. 可以搵到大錢就係咁. 雷曼都由各大歐美商學院精英畢業生設計左迷惑你債券出黎. 但是否代表投資既理論就係錯或根本冇投資致富呢?唔係. 要睇你學乜同基本水平係點.

命理師傅角色就係命運醫生, 你命運差時用盡所有方術及易理數術以至大的環境手術救人一命或盡力由負30分推番病者上0分.等同用自然環境既力量整個氧氣廂去救人或養住條命. 佢好運時幫佢加補品當係長跑馬家軍, (係唔係食禁藥就睇師傅水平), 但風水作為中國環境學問既一種技術而言, 就等同幫長跑健兒著多對超輕減壓避震跑鞋等佢爭取更佳成績. 又或者係游泳健將身上既超去水泳衣, 加左後係強化速度盡量爭冠軍. 個個都著件野咁就真係考你本命特質/真實能力. 但起碼俾多件野你游快d咁解.

有依套theory有依套技術都要你肯用肯試先得. 唔係都係當人發嗡風晒時間. 當然.都要每個人自己獨立思考一番先正路. 否則又會太過於盲目啦. 我倒自己米? 我都唔志在d米.夠食咪得o羅.

祝大家生活愉快.

生活嘈雜

好忙. 忙風水. 忙批命. 忙到冇停手. 但偷閒寫下blog鬆口氣.
我發覺好多人係facebook轉載上海世博抄野既日本電視台報導, 首歌係抄上海半官方地承認, 冇計,作曲家之過,評審委員會都唔係百科全書會聽過8幾年既日本流行歌, 8幾年既中國都係o岩岩開始聽香港歌,仲話聽日本?! 我唔會怪佢地. 但衰左就集體負責. 下次請多d國家既人做委員會著數d.

至於世博展館我又唔會覺得抄安滕忠雄囉, 講到明係源於中國"鼎"既意念亦解釋整過設計過程. 安滕忠雄果兩條大樑同展館根本兩樣野. 海寶又話係抄, 總之相似或有一忽仔"似"就係抄, 咁乜都係抄啦?! 我用水泥起樓用水泥好raw既interior design, 又屈我全抄安滕忠雄啦不如.

弱勢民族又有前科. 冇法子. 日本人都抄唔少德國技術. ipod 都俾人告抄自creative介面. 又俾nokia告抄野. facebook"創辦人"又係抄同學功課當自己發明. 全部用錢攪掂. 冇咩大文章可做. 睇番本地專欄, ipod facebook出事唔見多人寫. 中國一出事就大插特插樣樣都屈抽晒水. 專欄作家咪又係互相imitate. 抄自己幾日幾月幾年前文章再出又再出.抄人地concept當自己野. 係創作領域, 要告就黎告, 又唔見有人告中國館及海寶侵權?

首歌就肯定係侵左所以認左佢兼俾錢了事. 唔係話俾錢就正確, 但商業行為解決方式人地又肯仲有乜好嘈?!個個寫手搶道德高地光環上身,十九下流才子又借題發揮呃文字錢.香港社會水平就係咁. 老實. 睇內地雜誌文章內容,相片及排版以至文字功力及修養水平遠超香港幾條街.陳冠中講香港唔好攪咁多野.單食廣東省一小時生活圈果一億人已夠啦.爭乜鬼做中心呢?

悶聲發大財.真係唔出名好過出名.人地當你係敵人係咁走黎攪你打壓你阻你發展. 實係咁. 靜靜生活靜靜賺錢過自己既獨特生活就最好. 唔好攪咁多野.

題外話,香港政府效率肯定全球數一數二地高,當然唔代表佢perfect.邊有perfect架? 但我係香港生活感覺非常威好好.要白車有白車.要幫手有幫手.效率奇高! 消防白車最多係遲到十幾分鐘已俾報紙佬插到世界末日十惡不赦既罪,08年咁先進既日本東京都仲有大肚婆要生仔但俾七間醫院拒收遊救護車河幾粒鐘.阿婆發燒十間醫院冇位叫佢走之後死埋.澳洲友人同學俾人晚間市中心強暴,警察可以半粒鐘後先黎到,仲叫當事人算數實拉唔到人.美國警察巡黎巡去都係警局附近叫白車仲要俾錢.歐洲做野慢到死火車誤點誤到七彩,香港唔叫最好都已係極唔錯.就係新一代只識插政府唔識反省自己有乜貢獻,只識問人要野唔識自己整野.只識跟報紙亂吠唔識獨立思考.講到香港咁仆.快d番英國番其他國家啦.依度真係唔適合佢地.

依家成日講香港價值講香港人身份. 連自己都唔識欣賞依個地方只識跟風炒作(抄!). 八九十年代既香港價值一早已唔見晒.唯有自求多福!

忙碌期

命批多. 排長龍. 做唔完. 風水解決唔到我風水命批多到做唔完既問題. 真係同醫生差唔多. 醫到人地攪唔掂自己. 所有人都忙忙忙. 忙是好事. 忙到顧得這邊又顧不了那邊.

人手詳批愈來愈花時間, 其實是想找到平衡點, 早年買過詳批的, 現在友人再買已是一倍多的價錢. 而且我包保下一回將加價更利害. 可惜個人命批不可轉售，否則早年的命批已在增值中，就像手錶, 近期經攝影師友人之助買下一隻手錶, 不用排隊直接從行拎走. 又一次證明networking的重要, 史丹福大學一份報告指出個人的8成收入來自network,2成來自個人知識, 我是十分認同的.

依排見好多末日學說, 又話中國經濟泡沫2012爆破又話2011點點點衰.亂嗡一通.
最無聊係2012世界末日論, 真正的穿鑿附會. 但2012年尾經濟會點, 有收水現像是真的. 但不會郁下就爆!

公義

Mr Man又要趁過年前發嗡風啦.

老實. 幾十億同千億都已經係一個大到一個人其實冇乜概念既數字.因為當你擁有到一個好大既額度時,好多時已唔再睇細數做人.

放低佢啦施主.擺到明係慈善錢惠及社群既,就算/當係/假設 真係人地既意願,咪當幫大家積福囉. 有乜唔好呢!!

從社會公義角度而言,從人地一家人而言,從個人需要而言,梗係將舊錢回餽返俾大眾黎得有意義啦.唔好玩啦.
睇下公司背景,更加係唔駛再討論,公司反映內心.

依舊大錢用黎推動教育,提升市民既人文素質好過啦.
《麥兜》名句"算把啦.唔好攪咁多野啦"

新年異像

如果我2000年或十幾歲開始掌握一種預測賭馬賭錢賭乜賭物術而又中到幾百個. 我係唔係應該係依九年中係咁用依種方法係依十年去賭多幾百個或幾千個返黎呢?!

而唔係2010年無端端又記招又傳媒又玩神秘互"插/讚"大家學左個秘術執左幾百個分錢不公呢!而結果卻係最後於新年依個檔期大上電視各大傳媒呢?!我最想知點解依十年唔用秘術去賺番幾千個而要係依段時間追討番果一百幾十!

我會唔會太過批判,問依d看似無里頭卻覺得係一個局既問題呢!

算啦.結果都係marketing.唔好飲既水包裝完多人買.好飲既唔包裝唔喜歡包裝既就黎黎去去識貨既人去買.只係我睇得太多驚天大陰謀卦!

至於大陸既博士名稱.好老實.我太認識學術機構啦,因為我係phil programme既時間都有4年,本地大學工作加加埋埋都十年啦. 基本上我只會認為本地或英美排名前十既大學既phd先叫有少少保證.其他好多一律得啖笑.因為進入phil programme 既過程唔會兒戲,當然亦偶有把關失手收左連字都唔識既精神病學生,但排名高既大學好少有依d case,至於大陸,頭五位先好出黎講野,其他既,只要上網search下.有得請論文輔助員,輔助港台同胞寫論文,美國都有好多賣張cert既學校,所以都係笑下算啦.

所以我硬係覺得係一個局. 世界本是如此.