一個月前友人叫了我去看集結號的試影會,遲到入場. 原因是在圓方內迷路(即使路牌看似清晰!但根本是比又一城更迷的商場!要留心,商場設計愈圓愈灣灣曲曲不規則,風水學上屬水形格局.水剋火,火代表信心及堅定力,消費者一走進水形局,乜火都會熄,你會發現去到依類商場會買錯野或冇心買都無端端買左野.冬天出世者更加荷包大出血),跑呀跑就跑到電影院,一進場,個場感覺很正.第一刻閃進眼中的畫面是 '雷霆救兵',唉!唔係.係似而已.打仗場面真係幾似.但劇情極有中國特式,亦很感人,在此推介大家一看.完場時觀眾們更自發地報以掌聲,正野黎架! 離場後竟然見到文教授, 打了招呼討論了一下電影, 原來文教授也看過馮小剛的所有戲.
兩星期前看了投名狀, 本來看6點半場, 誰不知在中環陰差陽錯下誤接了一個不應該接的電話(已多次按拒接掣,點知正想打俾mother一按掣就變了接聽!),於是被英文C及律師A劫持上車到何文田及太子道feel風水.出奇的兩個單位理氣數一模一樣.外巒頭則稍有不同,但都是健康樓,旺人丁旺埋生bb.攪到10點半先入場睇戲.整體唔錯,角色性格分明,冇悶場但內容有點接受唔到.唔係接受唔到徐靜蕾,而係接受唔到李連杰成為大將軍後都仲會做d咁既感情決定.(係囉,所以我咪做唔到大將軍!)
一個月前買了lcd tv想睇高清,而事實上,3年前買的crt電視已支援1080i,那是3年前的機種,當時已預了有此一天,但現在用lcd tv看是質素高一點(以屏幕size而言), 故舊機留給弟弟, 否則會被環保朋友咒罵而死!
當時買的時候思前想後,本來想買plasma,實力及技術比lcd好得多,但panasonic的新full hd機那塊累事的磨沙玻璃令我卻步,等不了,遲幾年才轉pioneer吧,全宇宙最強!
lcd也有不同品牌的考慮,跟3年前選電視一樣.philips歐洲風格重點重現原色,日本機則是hyperreal超豔麗,各有所長,最終我選了欺騙自己眼睛的日本機,日本機只考慮sony及sharp, sony用的是samsung lcd panel(很有意思,sony當年發夢都估唔到自己唔發展lcd會攪到大落後,但錯左唔緊要,最緊要係想方法,估唔到佢肯同以前根本唔放在眼內既samsung合作,肯放下身段用"敵人"既 先進技術) sony x系同samsung F系根本上內膽極其近似,唔同既係塊玻璃同各公司既獨門engine,都係信番sony好,因為手機及notebook都已用緊samsung. 至於另一牌子sharp.日本lcd老大哥.同一機種型號係日本平香港3成,但好既技術永遠遲幾年先輸出俾外國人.sony換左鬼佬阿頭就唔同晒,日本新野香港隔兩個月就有.睇得出香港sony分部牙力超勁,咁比較之下.梗係買番sony.現場睇機,x系比w系多了motion flow功能,這是經過一段時間才發現有用的function.又買了ps3(友人經理T送了3隻藍光電影給我.視覺效果一流.謝!在此推介另一電影"翻生侏羅記"), 遊戲畫質及音效提升令真實感更強,惜網上連線不夠穩定, 但我敢肯定將會成為未來每個家中的多媒體中心, 前幾天看tvb及atv高清台,效果不錯.但訊號不夠穩定.
有些朋友說要睇定d先買,等所有機都內置機頂盒先買,等更加多機選擇先買. 等等等....老實.如屋企唔係搬屋換新機或舊果部壞機,就等下先都唔係問題,但咁arm依排有需要買機既朋友,就真係唔好等.先買先享受係我依排既口頭蟬.
2008年1月1日補充, 睇完高清, 根本唔想再睇標清既垃圾畫質, 機頂盒用友人建議最穩定既olevia,但亦有遇到訊號不穩而hang機既情況. 但我無悔用多2千蚊去試新科技, 因為今日睇無線高清既"魔廚房"同埋熊貓紀錄片, 靚到不得了, 都係果句, 一係等幾年等到人人都有得睇又所有product都好穩定先買, 一係就依家好即刻買, 亦建議一般用家去百老匯買所有既相關電視機及set top box, 安全,可靠,有信心. 先買先享受 (我真係受唔住果d只係度多多批評又睇唔到高清畫面,又只係識叫其他人陪佢等等等等既批評者)
